A Federación Galega de Patinaxe organiza para o mes de novembro un curso de arbitraxe de hoquei patíns. A formación levarase a cabo os luns, martes e mércores, de 19:30 a 21:30 horas, nuns horarios que poderán varias segundo o número de asistentes.
Todas as clases terán lugar nos locais da organización, na plaza Agustín Díaz 3, Complexo Deportivo de Elviña, na cidade da Coruña. O exame teórico realizarase o último mércores de novembro, ás 19:30 horas. O alumnado que supere esta proba e a práctica obterá o título de árbitro autonómico de hoquei sobre patíns da Federación Galega de Patinaxe.
Programa do curso
Este curso de arbitraxe dividirase en tres bloques:
O primeiro deles centrarase no reglamento oficial de hoquei sobre patíns, o reglamento técnico e o manual de arbitraxe. O segundo será sobre a realización de actas e as actas dixitais, a sinalización e posición en pista e as funcións auxiliares, anotadores, cronos e descripcións.
Por último, o terceiro bloque inclúe o comportamento e psicoloxía arbitral, o vestiario e protocolo arbitral en tempada, a preparación física e hixiene así como o profesorado do curso, e por último árbitros e ex árbitros internacionais.
#HóckeyPatines 🏑
La FGP organiza un curso de árbitro de hockey patines durante este mes de noviembre https://t.co/eRU0PAro7v pic.twitter.com/UeGR8ScoDP— Fed. Galega Patinaxe (@FGPatinaxe) October 27, 2021
Como apuntarse?
O prazo de inscrición está aberto ata o 4 de novembro nesta ligazón. Será necesario enviar unha foto de carné en cor e formato jpg ao correo secretaria@fgpatinaxe.gal.es.
Para poder acceder a este curso de arbitraxe é necesario ter cumpridos os 16 anos antes do 1 de setembro do 2021, e ter o título da ESO ou equivalente.
O importe do curso será de 100€ que se abonarán antes do primeiro luns de novembro na conta a nome da FEDERACIÓN GALLEGA DE PATINAJE: ES25 2080 0042 5230 4004 2018. Débese indicar o nome, apelido, e CURSO ÁRBITRO HP facendo chegar ao correo electrónico da Federación o xustificante do ingreso ou transferencia.