Michelle Romero chegou ao Dépor ABANCA no 2018 e foi unha das pezas importantes no ascenso do conxunto deportivista á máxima categoría do fútbol feminino. A venezolana viu como este ano perdeu en parte ese protagonismo reflexado nos minutos de pasadas campañas. Aínda así, a internacional vinotinto puido gozar as meles da gloria antes do parón polo coronavirus.
O pasado 1 de marzo, o Dépor completaba unha espectacular remontada en Valdebebas ante o CD Tacón, en apenas 10 minutos. Michelle foi clave marcando un dobrete, dous dos catro cantos que conseguiría o conxunto de Manu Sánchez para levarse os tres puntos cara Coruña.
A venezolana recorda ese encontro como “un partido único. Loitamos ata o final e non nos demos por vencidas en ningún momento. Viñamos de xornadas moi intensas e para min é aínda máis especial. Dous goles e a asistencia para axudar ao equipo nunhas circunstancias que tanto o necesitaba”.
Michelle Romero, xogadora do Dépor ABANCA: “Foi un partido único. Loitamos ata o final e non nos demos por vencidas en ningún momento. Viñamos de xornadas moi intensas e para min é aínda máis especial”.
“Volverei máis forte”
Romero ten un ano máis de contrato e seguirá defendo as cores branquiazuis ata 2021. A pesar de non gozar con todos os minutos que lle gustarían nesta tempada, non se rende: “Este ano non foi como eu esperaba, pero volverei máis forte”.
A dianteira valorou postivamente a súa chegada ao conxunto galego no que recoñece que a cidade da Coruña “é encantadora que me enganchou”. Ademais, falou moi ben da tempada a nivel colectivo e da familia deportivista: “Todo foi marabilloso desde que cheguei a España. Tocoume compartir equipo cun grupo de persoas marabilloso. Desde a persoa que menos se ve ata a máis visible, todos fan o seu papel e iso axúdanos a facer as cousas ben. Fixemos unha actuación tremenda. A nivel persoal, o ano non foi como eu esperaba pero estou a traballar para volver máis forte e como eu quero”.
Michelle Romero, xogadora do Dépor ABANCA: “Fixemos unha actuación tremenda. A nivel persoal, o ano non foi como eu esperaba pero estou a traballar para volver máis forte e como eu quero”.
Morriña da súa Venezuela natal
Tanto Michelle como as súas compañeiras e compatriotas, Kika e Gaby están a pasar o confinamente moi lonxe da súa Venezuela e recoñece esa morriña pola súa terra: “Estou lonxe da miña familia e eu son moi familiar. Entón trato de manter distraída, facendo exercicio, cociñando… facemos videollamadas para estar un pouco pendentes. A situación con respecto ao coronavirus é estable, pero todos sabemos a situación que vive o país, que tamén é preocupante. Falamos todos os días”.
Michelle Romero, xogadora do Dépor ABANCA: “Estou lonxe da miña familia e eu son moi familiar. Entón trato de manter distraída, facendo exercicio, cociñando… facemos videollamadas para estar un pouco pendentes”.
En canto ao proxecto da vindeira tempada do Dépor, Romero é optimista e respetuosa coas posibles saídas de xogadoras importantes do equipo: “As expectativas son de tratar de facer o mesmo ou mellorar o que viñamos facendo este ano. Superarnos partido a partido. Seguir cun grupo alegre e unido. Con respecto ás saídas, sempre que sexan para o ben das xogadoras, imos respectar e apoiar sempre. Hai xogadoras para suprir as saídas e facer ese papel, todas temos posibilidades de xogar”.
Michelle Romero, xogadora do Dépor ABANCA: “Con respecto ás saídas, sempre que sexan para o ben das xogadoras, imos respectar e apoiar sempre. Hai xogadoras para suprir as saídas e facer ese papel, todas temos posibilidades de xogar”.
