A xogadora do Dépor Abanca, Maya Yamamoto, contaba a través das redes sociais que recibiu comentarios racistas por mor do coronavirus. A deportivista destaca que houbo xente en que lle tusiu intencionadamente e de que a chamaron “coronavirus”.
Hay gente que me llama Coronavirus
Hay gente que tose intencionalmente
Hay gente piensa que es gracioso.Es muy triste ver esas personas
Que tengan el respeto a los demás y que comprendan el dolor de los sentimientos de los demás.— MAYA Yamamoto/山本 摩也 (@tikitora) March 12, 2020
Este chío vai camiño dos 4.000 likes e unha ducia de comentarios, moitos de afeccionadas e de peñas deportivistas, que apoian a xogadora do Dépor Abanca. Entre eles destaca os ánimos que lle envía o seu compañeiro de club, o futbolista turco Emre Çolak.
Maya Yamamoto, deportivista desde 2018
A futbolista internacional xaponesa Maya Yamamoto leva desde o ano 2018 defendendo a elástica do equipo branquiazul.
Ánimo Maya ..❗️
— EMRE ÇOLAK (@emrecolak1010) March 12, 2020
Cabe recordar que ante a crise polo coronavirus, o COVID-19, a Liga suspendeu temporalmente todas as competicións.
Polo momento, as citas futbolísticas están suspendidas durante dúas semanas. A competición feminina na que milita o Dépor ABANCA, a Liga Iberdrola, xa estaba de parón ata finais de mes polo que as xogadoras deportivistas tiñan incluso unhas mini vacacións xa previstas.
Con todo, o club deportivista anunciou onte a suspensión das actividades na Cidade Deportiva de Abegondo (tamén os adestramentos) a excepción dos do primeiro equipo masculino. “Toda a actividade diaria na Cidade Deportiva de Abegondo queda suspendida, excepto os adestramentos do equipo profesional masculino, que se farán a porta pechada”, reza o comunicado do RC Deportivo.
Como deciamos, non se xogarán os partidos nin da Liga Iberdrola, nin da Reto Iberdrola, nin tampouco os de ámbito autonómico xa que a Federación Galega de Fútbol tamén suspendeu, canda menos, as próximas dúas xornadas de competición.
