Ante a situación de urxencia que está xerando a expansión do Coronavirus COVID-19 e logo dos comunicados do CSD e o emitido onte pola mañá pola Real Federación Española de Fútbol no que decreta a suspensión da competición de fútbol e fútbol sala de ámbito estatal durante as dúas próximas semanas, recomendando ademáis a mesma medida a todas as federacións territoriais, a Real Federación Galega de Fútbol informa que toda a competición en Galicia de fútbol, fútbol sala e fútbol gaélico tamén queda suspendida durante ese mesmo prazo de dúas semanas. Medida de urxencia que comeza a ser efectiva desde hoxe xoves.
A RFGF non quere crear ningún tipo de alarma, pero esta decisión extraordinaria enténdese necesaria para unha situación que é claramente extraordinaria. Con esta medida preténdese garantir a saúde e seguridade dos deportistas e de todas as persoas que dun ou doutro xeito move cada partido de fútbol, fútbol sala e gaélico que se disputa en Galicia.
Con esta decisión tamén se busca manter a homoxeneidade da competición estatal e autonómica dentro da nosa comunidade e tamén para non quedar a expensas de posibles suspensións motivadas por peches de instalacións en determinados concellos.
A RFGF manterá un permanente contacto coas autoridades deportivas e sanitarias de Galicia, así como a Federación Española, e informará puntualmente aos clubs de calquera cambio que se produza no referente a esta decisión.
A RFGF suspende toda a súa actividade formativa e de tecnificación
A Real Federación Galega de Fútbol celebrou esta mañá unha reunión de urxencia posterior á súa decisión de suspender toda a competición de ámbito autonómico, provincial e local de fútbol, fútbol sala e fútbol gaélico durante dúas semanas (xoves 26 incluído). Nesta reunión acordouse tamén a suspensión de toda a actividade formativa da Federación, dependente da Escola e do Comité de Adestradores, así como do Comité de Árbitros. Do mesmo xeito, a Federación decide suspender todas as reunións e actos fixados en axenda para as dúas próximas semanas e tamén a actividade das Seleccións Galegas.
En canto aos adestramentos, a RFGF non é competente para prohibir a súa celebración, competencia que depende dos propios clubs ou do titular da instalación, pero a entidade apela á responsabilidade de todos co fin de contribuir ás necesarias medidas de prevención e contención do Coronavirus COVID-19.
En canto á competición, os responsables da RFGF seguirán mantendo reunións continuas para evaluar a situación, xa que agora mesmo resulta imposible coñecer o momento exacto da reanudación da competición. Agora mesmo o tema competicional queda totalmente relegado a un plano secundario, pois a prioridade é colaborar na prevención do contaxio do Coronavirus.
LaLiga acorda o aplazamento da competición
A LFP a través deste comunicado fixo oficial o aplazamento da competición, polo menos, das dúas próximas xornadas: LaLiga considera que se dan xa as circunstancias para que se siga coa seguinte fase do protocolo de actuación contra o COVID- 19. Ante as circunstancias coñecidas esta mañá, referidas á corentena establecida no Real Madrid e os posibles positivos en xogadores doutros clubs, LaLiga considera que se dan xa as circunstancias para que se siga coa seguinte fase do protocolo de actuación contra o COVID- 19. En consecuencia, de acordo coas medidas establecidas no Real Decreto 664/1997 do 12 de maio, acorda o aprazamento, polo menos, das dúas próximas xornadas.
Dita decisión será revaluada tras a finalización das corentenas decretadas nos clubs afectados e doutras posibles situacións que puidesen darse. LaLiga, como organizadora da competición, procedeu a comunicalo á RFEF, ao CSD e aos Clubs.
Luis Rubiales: “Para a RFEF o primeiro sempre foi a saúde das persoas”
O presidente da Real Federación Española de Fútbol compareceu ante os xornalistas esta mesma mañá tras a reunión da Comisión de Seguimento polo COVID-19, xunto ao secretario xeral, Andreu Camps e o director de Competicións, Alfredo Olivares.
Luis Rubiales, presidente da RFEF: “Agradecemos ao fútbol español no seu conxunto que nun momento tan difícil estean totalmente aliñados coa RFEF. Hai que estar satisfeitos porque hoxe o fútbol profesional súmase ao camiño comezado pola RFEF hai uns días e en que o camiño no que se prima a saúde das persoas.
É importante estar unidos neste momento. Un momento no que estivemos en contacto con FIFA, UEFA e o CSD para que a coordinación sexa total. Imos implementar o protocolo acordado se maneira proactiva. Todo o fútbol español está a ser solidario en todas as súas categorías.
Luis Rubiales, presidente da RFEF: “Todo o fútbol español está a ser solidario en todas as súas categorías”
Desde o primeiro momento puxémonos a traballar, decidimos crear unha Comisión de Seguimento e tomamos medidas en todas as nosas competencias directas. En canto a Primeira e Segunda existen elementos comúns de coordinación. O día 25 de marzo volveremos avaliar a situación. A RFEF segue traballando ao 100% na súa faceta administrativa”.
