A deportista pontevedresa Lydia Pérez Touriño, foi convidada pola Federación Sueca, para exercer como sparring da deportista olímpica Sofía Mattson, do 14 ó 24 de xuño, segundo informa a Federación Galega de Loita.
Sofía Mattson, clasificada para os Xogos Olímpicos de Toquio 2021, escolleu á loitadora galega, que quedou ás portas da clasificación olímpica para estes XX.OO., como a súa sparring.
Lydia Pérez Touriño exercerá esa función para colaborar no adestramento de Sofía Mattson nun campo de adestramento que terá lugar desde mañá, luns 14 de xuño, e durante dez días en Suecia.
Este tipo de actividades, amosan, tal e como salienta FEGALOITA, o nivel internacional co que conta a deportista galega do Club de Loita de Pontevedra, Lydia Pérez Touriño, pese a que non acadou clasificarse finalmente para estar este ano nos Xogos Olímpicos de Toquio 2021.
