Os prognósticos dábanas como favoritas, pero as regatas haias que gañar na auga. Así foi. O K4 500 integrado por Sara Ouzande, Estefanía Fernández, Carolina García e Teresa Portela, impúxose ao resto de barcos no selectivo estatal de piragüismo que se está a celebrar no Encoro de Pontillón de Castro, Verducido (Pontevedra).
✈️ De Verducido a los Juegos.
El #CanoESP cierra las plazas de K4 500 (Masculino y Femenino) y del C2 500 femenino. #SomosPalistas pic.twitter.com/EVRorqjcL3
— PiragüismoEspaña (@RFEPiraguismo) April 10, 2024
O cuarteto no que vogan as galegas Carolina García e Teresa Portela sacoulle case un barco de vantaxe ás súas rivais. O segundo posto nesta modalidade de K4 500 foi para a embarcación na que reman Lucía Val, Barbara Pardo, Nerea García e Carla Corral.
🟦 PIRAGÜISMO OLÍMPICO | Con Teresa Portela como bandeira, a xeración de ouro do piragüismo galego saca billete para os xogos olímpicos de París | No selectivo de Pontevedra clasificáronse hoxe Antía Jácome e Carolina García | Informa Loreto Fernández | https://t.co/gRSfui4BlL pic.twitter.com/Njc05UlLGr
— RTVEGalicia (@RTVEGalicia) April 10, 2024
O K4 no que compiten a asturiana Sara Ouzande, a extremeña, Estefanía Fernández, e as galegas Carolina García e Teresa Portela, xa tiña sido bronce no Mundial polo que aspiraba a todo. Na mente deste cuarteto de padexeiras está subirse ao podio nos Xogos Olímpicos de París 2024.
Os sétimos xogos para Teresa Portela
Con esta clasificación para París 2024 Teresa Portela fará aínda máis grande a súa lenda. No deporte español unicamente quedará unha persoa con máis participacións olímpicas ca ela, o atleta Jesús García Bragado que sumou oito Xogos Olímpicos como marchador.
A galega Teresa Portela empezaba a súa andaina olímpica en Sidney, logo foi Atenas, Pekín, Londres, Río, Toquio e agora París 2024. Máis adiante… o tempo dirá, pero pensar en que a de Cangas esté en Los Ángeles 2028 non é unha quimera.
Nos xogos de Toquio 2020 Portela conseguía a anhelada medalla colgándose do pescozo a prata no K1 200. En París 2024 quere volver subir ao podio.
Ver esta publicación en Instagram
