A dianteira do Deportivo ABANCA B Lucía Lorenzo Parga (A Coruña, 22 de xaneiro de 2002) segue os pasos da súa compañeira no primeiro equipo Lía e marcharase a xogar a Estados Unidos a próxima tempada.
O ariete branquiazul xogará no Louisiana State University (LSU) Eunice Bengals, que milita na Primeira División da NJCAA; e aproveitará para continuar os seus estudos superiores nesa universidade.
Lorenzo, procedente do Orzán SD, completou tres tempadas no Deportivo ABANCA B. Esta campaña, en Primeira Nacional, disputou un total de 14 partidos e anotou 4 dianas.
