Volveu a loita en Galicia tras un ano de parón

O pavillón municipal de Santa Isabel en Santiago de Compostela, acolleu a Copa de Galicia de Loitas Olímpicas e os campionatos Galegos de Grappling. Deste xeito as competicións de regresaban a Galicia logo dun ano de parón.

A Federación Galega en colaboración co CL Stellae e o Concello de Santiago de Compostela, organizaron este campionato Galego con un total de 158 inscricións.

A clasificación da I Copa Galicia estivo encabezada polo Club San Ignacio que tamén venceu en Loita Libre Olímpica e na Grecorromana. No caso do Grapping feminino o trunfo foi para o Club Independente de Vigo, mentes que en categoría masculina gañou o Club Sport Fight.

A burbulla da Federación Galega de L e D.A. tivo en Santiago de Compostela, a primeira competición organizada en Galicia nos últimos 13 meses. Foi a cita Galega e o ensaio para os vindeiros campionatos de España.

A seguridade e os protocolos COVID-19, rexeron ambas competicións, establecendo un marco único de seguridade para todos os participantes. A obrigatoriedade de facer os test de antíxenos naseo-faríngeos, previos a competición, soi a grande novidade de estes eventos, con moi boa acollida por parte dos deportistas. Dos 175 test de antíxenos feitos, todos foron negativos. Non reportando os clubs ningún caso, tras a competición.

Explican desde a Federación que en total houbo 17 equipos que representaron as cuatro provincias Galegas neste torneo de máximo nivel autonómico.

Selectivo para os campionatos estatais de loita

Estes campionatos foron unha proba selectiva, para participar nos campionatos de España deste ano 2021. No caso das Loitas Olímpicas, o próximo gran evento, será o 27 e 28 de marzo en Santiago de Compostela, onde se celebrarán os Campionatos de España U-15, U-17 e U-23 de Loitas Olímpicas.

No caso do Grappling, os campionatos de España serán o 10 e 11 de maio en La Nucía (Valencia). Este campionato foi o primeiro filtro para seleccionar os deportistas que acudirán os campionatos de España representando a Galicia.

Os seleccionadores galegos estiveron moi pendentes dos resultados dos deportistas para confeccionar as diferentes seleccións galegas. Cabe destacar o aumento no número de deportistas femininas que competiron, sendo Galicia un referente a nivel nacional no deporte feminino.

Por outra banda o Colexio Galego de Árbitros e Xuíces, que está de noraboa polas últimas convocatorias dos nosos árbitros para participar en eventos internacionais coa selección nacional, dirixiron esta competición que se desenrolou en tres tapices oficiais de 10 x 10 metros, cos novos valores do arbitraxe Galego. De este xeito, desde a Federación Galega, púidose avaliar o nivel dos colexiados que acudirán os vindeiros campionatos de España, representando a Galicia.

Por riba dos resultados, estivo a satisfacción de organizar un evento seguro, e no que se puxo en valor o traballo nos protocolos e seguridade, así como  a implicación dos deportistas e técnicos.

CLASIFICACIÓN I COPA DE GALICIA DE LOITAS OLÍMPICAS:

• CLASIFICACIÓN FEMININA: 

• CLASIFICACIÓN LIBRE OLÍMPICA: 

• CLASIFICACIÓN GRECORROMANA:

CLASIFICACIÓN CAMPIONATO GALEGO DE GRAPPLING:

• GRAPPLING FEMININO: 

• GRAPPLING MASCULINO: