A loitadora galega Lydia Pérez lidera o ránking estatal femenino de Loita toda vez que a Federación Española de Lucha (FELUCHA) ten elaborado os seus ránkings para o ano 2023.
Lydia Pérez (62kg) é a primeira nese ránking estatal de loitadoras para 2023 con 264 puntos, seguida da tamén galega Nerea Pampín Blanco (65kg) que atesora 175 puntos. O terceir posto é para a balear Carla Jaume Soler (53kg) con 153 puntos.
No ránking de federacións de Loitas Olímpicas, Galicia sitúase no podio en terceira posición. Lidera a clasificación neste 2023 a Federación de Andalucía con 2108 puntos, seguida pola Madrileña con 1791 e logo xa vén a Federación Galega (FEGALOITA) con 1191 puntos.
Tal e como salienta a Federación Española de Lucha (FELUCHA) Lydia Pérez (62kg) e Marcos Sánchez-Silva (77kg), en libre feminina e grecorromana, repiten á fronte da táboa por segundo ano consecutivo. Convírtense en gañadores por primeira vez na súa carreira os loitadores Felipe Ferrusola (65kg), en libre masculina; Iker Cámara (71kg), en grappling e Fernando Díaz (79kg), en sambo.
Así foi o camiño ao éxito de Lydia Pérez neste 2023
Lydia Pérez, da Federación Galega de Loita (FEGALOITA), impúxose con autoridade no seu ránking atesorando 264 puntos. Unhas contas que saen a favor da galega logo de gañar o Campionato de España Senior disputado en San Javier (Murcia) e sumar éxitos importantes como o ouro que se colgou do pescozo no Memorial Pellicone de Sassari (Italia) ou as medallas de bronce que acadou no Kipplan Lady Open de Suecia, ou o Gran Premio Internacional de Madrid, entre outros éxitos deste ano 2023..
Os bos resultados obtidos no Torneo Internacional Henri Deglane (Francia) tamén lle deron importantes puntos á pontevedresa, por non falar da súa vitoria na Copa da Raíña.
A deportista pontevedresa Lydia Pérez está na carreira olímpica con París 2024 como meta.
