O Pavillón Municipal de Ponteareas acolleu unha xornada do ‘Xogaloita: Xogando as Loitas Olímpicas’, un mecanismo de visibilización dos beneficios do Plan Corresponsable, que desde FEGALOITA están desenrolando nas catro provincias Galegas.
Os Concellos da Cañiza, A Coruña, Cambados, Cortegada, Crecente, Ferrol, Lugo, Melide, Mos, Ourense, Padrenda, Pontevedra, Redondela, Santiso, Vigo, Vila de Cruces e Vilalba contan con varias instalacións e grupos para atender a demanda xurdida.
Explican desde a Federación Galega de Loita que o “Plan Corresponsable, é unha medida de atención social, para facilitar a conciliación no eido familiar: Abrir as entidades deportivas para facilitar o acceso dos mais pequenos a un lecer activo e saudable”.
“De este xeito, empregamos o tecido educativo como canle de comunicación para achegar os beneficios do plan en cada Concello, nos que traballamos. Este tipo de iniciativas están beneficiando a mais de 2.500 menores de 16 años e as súas familias”, relatan desde FEGALOITA.
Centros participantes no Xogaloita de Ponteareas
Nesta xornada, participaron un centenar de alumnos que estiveron acompañados por 5 docentes e 3 técnicos da Federación Galega de Loita, dos centros:
- CEIP Fermín Bouza Brey.
- CPI Mondariz.
- CPR Inmaculada.
- Ceip S. Oliveira.
A actividade, que se desenrolou sobre tres tapices oficiais de Loitas Olímpicas, serviu como punto de partida para as xornadas de Xogaloita a nivel provincial.
Esta actividade consta de seis probas deportivas, en orde de dificultade crecente, para as que, os centros educativos terán que organizar equipos mixtos (alumnas e alumnos). Cada centro educativo, participa contra outro por lograr o obxectivo de cada unha delas.
Un dos aspectos fundamentais desta actividade, é que, o alumnado, poida participar en actividades novas, aumentando deste xeito, a oferta deportiva para os máis pequenos.
