A pasada fin de semana —15 de febreiro—, novamente, regresou a Liga Galega de Roller Derby, a cal está albergada pola Federación Galega de Patinaxe. A segunda xornada foi organizada polo equipo coruñés As Brigantias no polideportivo de Monte Alto.
As Sereas Bravas (Roller Derby Vigo) lideran en solitario a clasificación xeral. Impuxéronse ás Jabatas, de Ourense, cun resultado de 23 a 329 para o equipo vigués. O segundo encontro tivo lugar o derbi coruñes. Brigantias e Irmandiñas rodaban sobre a pintura firmando un resultado de 246 a 7 favorable para o equipo organizador desta cita.
Os afeccionados e o público disfrutou nesta ocasión de tres partidos. De forma adicional, as Brigantias enfrontáronse as Sicarias de Zaragoza nun encontro que formaba parte da Liga Nacional que organiza ARDE, a asociación española de Roller Derby. Saldouse cun resultado de 196 a 70 para conxunto herculino.
A terceira xornada da Liga Galega desprázase ata Ourense
O próximo encontro da Liga Galega desprazarase de provincia. Esta vez as Jabatas en Ourense organizarán a xornada tres do torneo o próximo de 7 de Marzo. As Sereas Bravas buscarán seguir invitas. Xogaran contra Irmandiñas que as seguen moi de cerca na clasificación cunha vitoria. As coruñesas de Brigantias empatadas coas da súa mesma zona e terán a oportunidade de enfrontarse as organizadoras do evento, as da Cidade das Burgas.
