Os pasados 1 e 2 de abril, As Brigantias foron as anfitrioas dos mellores equipos de Roller Derby do país, que se deron cita no Polideportivo de Monte Alto para o torneo de I División da Liga Nacional ARDE (Asociación de Roller Derby de España).
Os equipos participantes foron Roller Derby Madrid, Barcelona Roller Derby, Valencia Roller Derby e as propias Brigantias. Todos se enfrontaron entre eles nun total de cinco partidos: dous días cargados de emoción e paixón por este deporte.
Os resultados dos encontros foron os seguintes:
- As Brigantias Roller Derby vs Roller Derby Madrid: 82-28.
- Roller Derby Madrid vs Barcelona Roller Derby: 171-111.
- As Brigantias Roller Derby vs Valencia Roller Derby: 57-240.
- Roller Derby Madrid vs Valencia Roller Derby: 141-89.
- As Brigantias Roller Derby vs Barcelona Roller Derby: 47-286.
Se perdeches os partidos, pódelos velos na canle de Twitch do conxunto coruñés de roller derby. Desde o equipo herculino informan que “para colaborar con este deporte autoxestionado, pódese facer a través de la Fila 0, nas redes sociais do citado equipo da Coruña. Para máis información, o equipo dispón de redes sociais (Facebook, Instagram, Twitter) e da páxina web www.brigantias.com”
Ver esta publicación en Instagram
Brigantias RD é un equipo de Roller Derby da Coruña e Santiago que nace en 2012. Actualmente está recoñecido como un dous catro equipos oficiais de España pola WFTDA (Women ́s Flat Track Derby Association).
