As Brigantias Roller Derby de A Coruña comezaron a nova tempada o pasado sábado 7 de outubro coa disputa dun torneo triangular internacional celebrado no pavillón de Elviña II e que forma parte do programa da WFTDA (Women’s Flat Track Derby Association).
O primeiro partido enfrontou aos dous equipos visitantes, Oxford Roller Derby e Hard Breaking Dolls Prague, e saldouse cun 69-239. Pola tarde chegoulles o turno a As Brigantias Roller Derby, que xogaron primeiro contra Oxford Roller Derby (157-138) e despois contra Hard Breaking Dolls Prague (94-200).
Tratouse dunha xornada intensa e calorosa, pero marcada pola paixón común polo roller derby. Desde o club coruñés esperan que “sexa a primeira de moitas xornadas deportivas desta tempada”.
