Resulta moi rechamante. Desde os inicios do deporte todas aquelas modalidades estiveron sempre vinculadas ao xénero masculino. Co paso de tempo as mulleres, a base de superar as barreiras e os prexuízos, conseguiron facerse un oco neste mundo.
Pero en realidade non en todos se tiveron que adaptar. Este é o caso do roller derby que naceu exclusivamente para que o practiquen elas. É inclusivo, diverso e respectuoso en relación ás mulleres transexuais, intersexuais e participantes de xénero expansivo. Non existe un rol fixo e, por outro lado, as féminas non necesitan contar cunhas características físicas concretas para practicar este deporte.
Trátase dunha modalidade deportiva integrada dentro da patinaxe. É un deporte de contacto sobre os patíns clásicos, os de catro rodas. Xógase por equipos formados por cinco persoas. Consiste en que unha xogadora que está colocada por atrás, chamada jammer, ten que sobrepasar as bloqueadoras, que están diante dela, do equipo contrario.
Existen tres posicións de xogo no roller derby: Jammer, bloqueadoras e pívot
O terreo de xogo non é parecido ao resto dos deportes de equipo. Trátase dun pavillón no que hai unha pista plana e ovalada cunha dimensión de 27 x 16 metros, aproximadamente. A duración dos partidos é de unha hora dividido en dos dous tempos de 30 minutos cada un. Nos calen hai varios jams que como máximo duran 2 minutos. Dentro deste recinto colócanse a jammer, as bloqueadoras e a pívot.
A jammer é a encargada de anotar os puntos sobrepasando ás xogadoras do outro equipo. Se é a primeira dos dous equipos en pasar o pack convértese na lead jammer. Ademais de conseguir un punto. Estos increméntanse no caso de pasar a algunha das súas compañeiras.
O que lle permite ter unha serie de privilexios, sendo un deles o de poder cortar o tempo cando ela o desexe. Por estratexia, por exemplo, para que as outras non puntúen para antes dos dous minutos. No casco levan un distintivo como unha estrela vermella.
A blocker, coñecida como bloqueadora, pode haber catro na pista. Intentarán parar a principal do outro equipo contrario para axudar á súa a atravesar o pack. E unha delas, coñecida como pívot, pode tomar a posición de jammer, cando esta non logra pasar, mediante un star pass, o pase estrela. Estas catro levan a protección da cabeza lisa, salvo a pívot que leva unha ancha francha no medio.
Ao ser un deporte de contacto é obligatorio levar proteccións. As xogadoras deben saír ao terreo con un casco, un protector bucal, xeonlleiras e protección para os cóbados.
Como en cada competición, hai un número total de árbitros
O número ideal para xuzgar un partido de roller derby é de sete árbitros. Pero esta situación varía e se hai cinco pódese xogar. Logo están os oficiais impatibles que se chaman NSO, e vixían o desenvolvemento do xogo. Hai ata 14. Outras funcións como medir o tempo cando están en falta ou anotan as alineacións en cada período de tempo. Os asubíos son distintos en cada caso:
- Un asubío corto significa o inicio do jam. Neste caso é cando sae o pack, as jammers intentan atravesar ese pelotón pero a primeira volta non puntúan.
- Un asubío longo é unha falta.
- Dous asubios cortos realízaos o árbitro cando pasa a primeira jam.
- Para a finalización do jam o árbitro asubía en catro ocasións.
As normas son moi estrictas para que o xogo sexa moi seguro. Ao cometer faltas, as xogadoras deben cumplir 30 segundos no penalty box deixando ao equipo sen unha. A isto as levas as accións do tipo bloqueo pola espalda, alto, coa cabeza, na cabeza, fóra do xogo. Tamén por procedemento ilegal, a dirección do xogo, retrasalo, usar os cóbados, os brazos e/ou as mans, patinar fóra dos límites e a insubordinación. O límite está en sete e no caso de cometelas, expúlsante.
As zonas legais onde facer o impacto son pola parte de diante do corpo e só pode facerse coa parte de diante, coa cadeira, de lado cos hombros e de detrás do corpo. Non se pode utilizar nin os brazos nin as pernas.
En Galicia coñécense seis equipos femininos de roller derby
Orixinario nos Estados Unidos. A España chegou sobre o 2007 coa formación da primeira liga en Tenerife. polo que aínda quédalle un pequeño percorrido para contar cunha gran competición. En Galicia tivo un tirón especial.
Por parte da cidade herculina están Irmandiñas e as Brigantias. En Vigo as Sereas Bravas. En Ourense, as Jabatas e As Lobas de Morgana. En Pontevedra, Negra Sombra. Este fin de semana (o sábado 25 de xaneiro) catro delas disputarán a primeira liga galega exclusiva en feminino. Nos anos anteriores podían competir tanto homes como mulleres. Ao mesmo tempo teñen unha competición en ámbito estatal.
A nivel español, forman parte do ARDE (Asociación de Roller Derby en España). Trátase dunha asociación de ámbito nacional sen ánimo de lucro, cuxo obxectivo é promocionar e fomentar esta disciplina suscrito baixo a normativa e ideales da WTFDA, a asociación de roller derby mundial.
