Este fin de semana, de novo, regresa a Liga Galega de Roller Derby. Fagamos memoria de que o roller derby é a aquela disciplina deportiva na que se compite sobre rodas que consiste en que unha xogadora que está colocada por atrás, chamada jammer, ten que sobrepasar as bloqueadoras, que están diante dela, do equipo contrario.
O sábado —15 de febreiro— dispútase en Coruña a segunda fase da competición galego. O lugar escollido para esta ocasión é o polideportivo de Monte Alto, onde se xogaron os dous partidos íntegramente do torneo que apoia a Federación Galega de Patinaxe (FGP).
Os equipos galegos que se enfrontan no primeiro encontro son Sereas Bravas, de Vigo, contra Jabatas, de Ourense. No segundo partido poñerá fronte a fronte aos dous equipos coruñeses, As Brigantias RD contra Irmandiñas.
No peche de ouro será ás 20.30 horas desta xornada terá lugar o man a man de Sicarios do Cierzo de Zaragoza contra As Brigantias RD. Este partido formará parte da Liga Nacional. “Os equipos de España nos reunimos e creamos ARDE, que trátase da asociación de Roller Derby de España para organizar partidos a nivel nacional e así poder competir entre todos os equipos. Despois do sorteo, a nosoutras tocounos xogar en primer lugar contra Zaragoza, Valencia e Vigo. En función dos marcadores do aprtido de todos os equipos se irá variando o ránking e con iso se xogará a final”, comentou para As Nosas, a responsable de prensa e xogadora das Brigantias, Eva Sanjuán.
DATOS DE INTERESE
DÍA: 15 de febreiro
PARTIDOS E HORARIOS:
- 16.30 horas. Jabatas – Sereas Bravas. Liga Galega.
- 18.30 horas. Brigantias – Irmandiñas. Liga Galega.
- 20.30 horas: Brigantias – Zaragoza. Liga Nacional.
CAMPO: Polideportivo de Monte Alto – A Coruña
INCIDENCIAS: Partido correspondente a xornada 2 da Liga
