Perder forma parte da competición. E ao HC Deportivo Liceo esta xornada tocoulle derrota. Facelo por so un gol de diferencia, rozando o empate nos últimos compases de partido, e tendo diante a un campión como o Generali HC Palau de Plegamans, fai que sexa menos doloroso.
O debut no banco liceísta do técnico Stanis García non cumpliu a máxima deportiva que fala que con adestrador novo, a vitoria é segura. Atento durante todo o encontro a como evolucionaba o partido, o técnico das galegas soubo transmitir ás súas pupilas o camiño a seguir.
Non rematou en colleita de puntos pero a imaxe de equipo combativo, concentrado, loitador ata o final diante dun xigante como o Palau queda aí, na retina das persoas que seguiron o partido desde a bancada e de todas as que desexen velo ou revivilo vía Hockey Global, que transmitiou o choque na súa canle de YouTube.
🏑 #Hoquei
Literalmente ata o último minuto estivo buscando puntuar o @HCLiceoFem diante do @hcpalau.
➡️ As #liceístas perderon 3-4 dando unha boa imaxe e plantándolle cara a outro coco da #Okliga pic.twitter.com/nrbJ73S188— As Nosas – Xornal Deportivo (@asnosasdeportes) December 4, 2021
Viviuse no Pazo dos Deportes de Riazor un partido duro, competido e xogado de ti a ti por ambas as dúas escuadras. Houbo neste cruce entre galegas e catalás opcións continuas para ambos os dous conxuntos aínda que a posesión fose máis tempo das visitantes.
Errou o HC Deportivo Liceo demasiadas faltas directas e penas máximas que puideron facerlle máis doado o partido. Laura Vicente foi un muro na porta visitante para as verdibrancas.
E falando de porteiras, Viki Caretta volveu a estar enorme gardando as mallas liceíastas. Por moito que encaixase catro goles, salvou moitos outros.
1. Viki Caretta, porteira do HC Deportivo Liceo / SABELA MOSCOSO
Viki Caretta, porteira do HC Deportivo Liceo / SABELA MOSCOSO
2. Viki Caretta, porteira do HC Deportivo Liceo / SABELA MOSCOSO
Viki Caretta, porteira do HC Deportivo Liceo / SABELA MOSCOSO
3. Viki Caretta, porteira do HC Deportivo Liceo / SABELA MOSCOSO
Viki Caretta, porteira do HC Deportivo Liceo / SABELA MOSCOSO
4. Viki Caretta, porteira do HC Deportivo Liceo / SABELA MOSCOSO
Viki Caretta, porteira do HC Deportivo Liceo / SABELA MOSCOSO
5. Bea Gaete, HC Deportivo Liceo / SABELA MOSCOSO
Bea Gaete, HC Deportivo Liceo / SABELA MOSCOSO
6. Final de partido do HC Deportivo Liceo / SABELA
Final de partido do HC Deportivo Liceo / SABELA
7. Banco do Hockey Club Deportivo Liceo nun tempo morto / SABELA MOSCOSO
Banco do Hockey Club Deportivo Liceo nun tempo morto / SABELA MOSCOSO garrote cris gaete viki caretta
A bóla pasou lambendo o longueiro ata en dúas ocasións xusto antes de que o Generali HC Palau de Plegamans anotarse o 1-3 (Berta Busquets). Tamén María Sanjurjo erraría un penalti. Así, de poder empatar, pasouse a ver como o rival aumentaba a súa renta. Chegou a distancia das catalás ata o 1-4 (Fontdegloria), pero o conxunto coruñés recompúxose e remontou ata o 3-4 acariñando o empate na recta final do choque.
A coruñesa María Sanjurjo anotaría o 2-4, e logo unha recuperación de bóla de Bea Gaete froito dunha presión alta foi o xérmolo do 3-4 que anotou a propia Gaete. Ata o último suspiro o tentou o liceo, sen éxito pero con tesón.
Duelo de titáns entre Sanjurjo-Florenza
Mención a parte merece a loita titánica que se viviu entre Aina Florenza e María Sanjurjo e desas que se deberan gravar e poñer en bucle a que quera aprender a defender con cabeza e tesón. O desgaste da coruñesa, que tivo o descanso xusto, foi enorme. As dúas patinadoras anotaron gol para os seus equipos.
1. María Sanjurjo, xogadora do Hockey Club Deportivo Liceo / SABELA MOSCOSO
María Sanjurjo, xogadora do Hockey Club Deportivo Liceo / SABELA MOSCOSO
2. Hockey Club Deportivo Liceo vs Palau / SABELA MOSCOSO
Hockey Club Deportivo Liceo vs Palau / SABELA MOSCOSO
3. Hockey Club Deportivo Liceo vs Palau / SABELA MOSCOSO
Hockey Club Deportivo Liceo vs Palau / SABELA MOSCOSO adriana soto
4. María Sanjurjo e Bea Gaete, xogadoras do Hockey Club Deportivo Liceo / SABELA MOSCOSO
María Sanjurjo e Bea Gaete, xogadoras do Hockey Club Deportivo Liceo / SABELA MOSCOSO
5. Hockey Club Deportivo Liceo vs Palau / SABELA MOSCOSO
Hockey Club Deportivo Liceo vs Palau / SABELA MOSCOSO adriana soto
6. Hockey Club Deportivo Liceo vs Palau / SABELA MOSCOSO
Hockey Club Deportivo Liceo vs Palau / SABELA MOSCOSO
7. Hockey Club Deportivo Liceo vs Palau / SABELA MOSCOSO
Hockey Club Deportivo Liceo vs Palau / SABELA MOSCOSO
8. Hockey Club Deportivo Liceo vs Palau / SABELA MOSCOSO
Hockey Club Deportivo Liceo vs Palau / SABELA MOSCOSO maria sanjurjo
9. Hockey Club Deportivo Liceo vs Palau / SABELA MOSCOSO
Hockey Club Deportivo Liceo vs Palau / SABELA MOSCOSO
10. Hockey Club Deportivo Liceo vs Palau / SABELA MOSCOSO
Hockey Club Deportivo Liceo vs Palau / SABELA MOSCOSO
11. Hockey Club Deportivo Liceo vs Palau / SABELA MOSCOSO
Hockey Club Deportivo Liceo vs Palau / SABELA MOSCOSO
12. María Sanjurjo, xogadora do Hockey Club Deportivo Liceo / SABELA MOSCOSO
María Sanjurjo, xogadora do Hockey Club Deportivo Liceo / SABELA MOSCOSO penalti
13. María Sanjurjo, xogadora do Hockey Club Deportivo Liceo / SABELA MOSCOSO
María Sanjurjo, xogadora do Hockey Club Deportivo Liceo / SABELA MOSCOSO penalti
Semana intensa de partidos para o HC Liceo
Con este resultado o HC Deportivo Liceo queda na zona morna da táboa clasificatoria da OK Liga con catro puntos acadados tras cinco partidos. Pouco tempo terán para preparar o seguinte choque que as levará a terras madrileñas para medir forzas cun rival diante do que terán ocasión de demostrar o seu xogo. A intención é clara: recuperar o camiño que leva ás vitorias na pista do CP Las Rozas. A cita será o vindeiro mércores día 8 de decembro ás 17:00 horas.
A semana non rematará aí para as verdibrancas. O equipo que adestra Stanis García viaxará a xogar co CH Mataró o sábado 11 de decembro. Toda unha maratón de partidos en oito días.
FICHA TÉCNICA
3) HC DEPORTIVO LICEO: Viki Caretta; Bea Gaete, María Sanjurjo, Alba Garrote e Adriana Soto – quinteto inicial -. Tamén xogaron: Ale Martín, Luchy Paz, Lucía Yáñez e Cris Diz.
4) HC PALAU: Laura Vicente; Berta Busquets, Laura Puigdueta, Aina Florenza e Mariona Colomer – quinteto inicial -. Tamén xogaron: Carla Fontdegloria, Gisela Vicente, Aimee Blackman e Laia Juan.
GOLES: 0-1: Aina Florenza, min. 16. 0-2: Laura Puigdueta, min. 27. 1-2: Adriana Soto,
min. 30. 1-3: Berta Busquets, min. 38. 1-4: Carla Fontdegloria, min. 42. 2-4: María
Sanjurjo, min. 48. 3-4: Bea Gaete, min. 49.
ÁRBITRO: Pablo Nicieza Elosegui. Sen cartóns.
INCIDENCIAS: Partido correspondente á quinta xornada da OK Liga Femenina da FEP 2021/22, disputado no Pazo dos Deportes de Riazor na Coruña.
