Galicia pon rumbo a Salou para competir no Campionato de España de fútsal

• As Seleccións Galegas infantís masculina e feminina de fútbol sala desprazáronse onte, sábado, a Salou para participar no Campionato de España da modalidade.

As Seleccións Galegas infantís masculina e feminina de fútbol sala puxeron xa están en Salou para participar no Campionato de España de Seleccións Autonómicas. Despois de varios meses de traballo, os combinados que dirixen Gael Madarnas (infantil masculino) e Manuel del Castillo e María Bardanca (infantil feminino) “partiron rumbo a Cataluña coa ilusión por bandeira”, segundo informa a RFGF.

A cita terá lugar entre o 11 e o 15 de abril. Galicia estará representada cunha selección en cada categoría. O resultado do sorteo para os nosos e as nosas foi o seguinte:

Selección Galega Infantil feminina

Selección Galega Infantil masculina

Lista de deportistas convocadas e convocados con Galicia

Unha ducia de futbolistas galegas en idade infantil foron elixidas polo dúo de adestradores que dirixe a Irmandiña nesta categoría: Manuel del Castillo e María Bardanca. Ambos os dous atesoran unha longa traxectoria no futsalfem, de feito, Castillo foi no seu día adestrador de María Bardanca no Sal-Lence.

Xuntos elaboraron unha convocatoria de 12 deportistas galegas para afrontar a cita feminina que son as seguintes: Estela, Daniela, Andrea, Ángele, Emma, Sara, Candela, Lara, Lía, Nuria, Lola e Ánxela.

No caso da Irmandiña masculina, os 12 elixidos polo seleccionador, Gael Madarnas, que vén de proclamarse en El Ejido subcampión de España co combinado alevín masculino, son os seguintes futbolistas: Gabriel, Jose, Álvaro, Iker, Mateo, Mosquera, Borja, Andrés, Hugo, Pablo, Marco e Manuel.

Real Federación Galega de Fútbol informa sobre o calendario e horarios de competición das seleccións galegas, podes consultalos premendo na seguinte ligazón: CAMPIONATO DE ESPAÑA INFANTIL