Terceiro partido sen perder do HC Deportivo Liceo que colleita un empate logo de dúas vitorias. As galegas finalizan con táboas o partido que disputaron en Elviña (A Coruña) ante o CP Las Rozas penúltimo clasificado na OK Liga Iberdrola (1-1).
O gol das locais asinouno a liceísta Bea Gaete no minuto 33 de choque mentres que a italiana Giulia Galeassi era quen empataba o partido para o CP Las Rozas a cinco minutos do final do choque.
Logo da disputada do que foi o seu último partido de 2022, o HC Deportivo Liceo suma 16 puntos (cinco vitorias, este empate e cinco derrotas) e colócase sexto na clasificación da Ok Liga Iberdrola da FEP. A competición ligueira retómase o 11 de xaneiro para o equipo que adestra Stanis García. Será visitando a cancha do Martinelia CP Manlleu a partir das 21:00 horas. As catalás son quintas con 21 puntos e veñen de gañar 1-2 na cancha do Orkla Bigues I Riells.
FICHA TÉCNICA
1) HC DEPORTIVO LICEO: Viky Caretta, Bea Gaete, María Sanjurjo, Alba Garrote e Marlena Rubio – quinteto inicial -. Tamén xogaron: Adriana Escalas, Alejandra Martín, Lara Yáñez e Cris Diz.
1) CP LAS ROZAS: Nerea Notario, Giulia Galeassi, Ana Horche, Elena Arganda e Mónica Villaró – quinteto inicial -. Tamén xogaron: Sofía Ramírez, Husso, María Alcalde, Carmela Pérez e Zoe Osma.
GOLES: 1-0 min. 33 Bea Gaete. 1-1 min. 45 Giulia Galeassi.
EQUIPO ARBITRAL: Lorenzo Bosch Sande, colexiado principal, Diego Garrido Areas, auxiliar e Cristina Fernández López, mesa. Sen cartós azuis.
INCIDENCIAS: Partido correspondente á xornada 11ª da OK Liga Iberdrola disputado na pista do Polideportivo de Elviña 2 na Coruña.
