O vindeiro domingo 27 de febreiro ás 21.30 horas é o día e hora marcado pola RFEF para disputar a Supercopa de España de fútbol sala feminino. Así o anunciaron desde a federación estatal. A tal hora medirán forzas o Pescados Rubén Burela, vixente campión, e o Futsi Atlético Navalcarnero. Os dous son os equipos máis fortes da máxima categoría feminina nos últimos anos. Neste curso as madrileñas marchan invictas ao fronte da táboa da Primeira División do futsalfem español.
Tamén se fixeron públicos os horarios das semifinais da Supercopa de España Masculina que se disputarán o sábado, 26 de febrero. A primeira semi será ás 14:00 horas e a segunda ás 16:30 horas. Barça, Movistar Inter FS, Palma Futsal e ElPozo Murcia Costa Cálida son os equipos que van loitar polo trofeo en categoría masculina. Os equipos que pasen á final disputarana o domingo 27 ás 19:00 horas. O feminino será despois, ás 21:30 horas.
Xógase demasiado tarde o feminino para ser domingo?
Hai quen considera que esa hora, un domingo, non é a máis atractiva para captar público para un partido do atractivo dunha final da Supercopa de España, que enfronta aos mellores equipos de Copa e Liga.
Ao fío desa reflexión abriuse un debate. Unha das voces críticas coa hora designada é Jozi Oliveira. A cancerbeira do Pescados Rubén Burela tira de retranca e di que lle “emociona tanto coidado e aprecio polo feminino”.
Pensé que era una broma de la @SomosFutsal lo de que la final de Supercopa será un domingo a las 21:30h. ¡No lo es! Me emociona tanto cuidado y aprecio con el femenino.
😔🤬#verguenza#horarionoble— Jozi Oliveira (@Jozi_Oli1) February 11, 2022
Cal é a túa opinión? Consideras que o horario influirá ou non no seguimento do partido final da Supercopa entre as afeccións laranxa e a roxa e branca? Convidámoste a opinar nas nosas redes sociais onde atoparás esta nova.
O Burela aspira a revalidar o título
En todo caso, tal e como apunta a RFGF, Galicia, a través do Pescados Rubén Burela, aspira a conquistar outro título, é ao que aspira o Pescados Rubén Burela. O elenco da Mariña, principal referente do fútbol sala feminino en España, quere seguir levantando títulos. A pasada tempada as Guerreiras Laranxas adxudicáronse todos os títulos nos que participaron (Liga, Copa da Raíña e Supercopa), sumando cinco tronos consecutivos sen ningún borrón, sendo o rei absoluto da Copa da Raíña.
A anterior edición da Supercopa de España de fútbol sala na categoría feminina celebrouse en Galicia, en concreto en Burela. Alí, o Pescados Rubén Burela superou ao Poio Pescamar FS nunha final histórica para o fútbol sala galego.
Venda de entradas para a Supercopa, desde o martes 15 de febreiro
O vindeiro martes, 15 de febreiro, está previsto que a Real Federación Española de Fútbol saque á venda as entradas para a Supercopa de España.
O prezo da entrada xeral será de 18 euros e servirá para presenciar as dúas semifinais do sábado ou ben as dúas finais do domingo. As entradas para persoas con diversidade funcional (en cadeira de rodas máis acompañante) terán tamén un prezo de 18 euros. E para as persoas que non queiran perderse nin un encontro sobre o 40×20, tamén sairán á venda abonos por un prezo de 30 euros co que poderán asistir aos catro encontros da fin de semana.
As entradas poderanse adquirir vía en liña a partir das 11:00 horas do martes e estarán dispoñibles ata o inicio do primeiro partido ou ata esgotar existencias.