O HC Borbolla xa non dependía de si mesmo para manter a categoría na Ok Liga feminina. Os resultados das súas rivais non lles foron favorables, pero ademais elas empataron co Areces Ecopilas Asturhockey (5-5). Así, nesta xornada, confirmouse o descenso matemático das tomatitas. O conxunto coruñés, único representante galego actualmente na elite do hoquei sobre patíns estatal, depende agora do seu filial para conservar o seu lugar na máxima categoría.
“Lamentablemente, estamos descendidas. Eramos conscientes da dificultade”, explicaba o técnico do HC Borbolla, Santi Martínez.
Consultado sobre como encaixou a plantilla o golpe, logo dunha tempada na que foi de menos a máis e incluso empezou esta segunda fase con boas sensacións, o adestrador coruñés a puntaba: “A plantilla era consciente de que era moi difícil xa que, aínda no suposto de que nós gañasemos o noso partido, dependiamos doutros resultados. Nestos finais de Liga hai que contar con que algúns equipos non se xogan nada e non xogan coa mesma intensidade ca nun partido normal”, declaraba o preparador do conxunto de Monte Alto, Santi Martínez.
Santi Martínez, técnico do HC Borbolla: “Lamentablemente, estamos descendidas. Eramos conscientes da dificultade”
Agora, o club herculino concentrará o seus esforzos no plan B. Esto é, na posibilidade de que o segundo equipo manteña ao HC Borbolla na categoría. “Intentaremos que o equipo de Ok Liga Prata logre unha das dúas prazas na súa competición xa que dan dereito a ascender á máxima categoría”, argumenta o adestrador do HC Borbolla.
Dous escuadras galegas buscan sitio na Ok Liga 2021-22
Esta é unha posibilidade que desde o club da Coruña ven asequible, aínda que non son as únicas galegas con esa aspiración. O HC Liceo tamén quere regresar á Ok Liga. As verdibrancas tamén pelexarán para facerse cunha desas dúas prazas que outorgan sitio na elite.
Santi Martínez é optimista coas posibilidades do filial do HC Borbolla na Ok Liga Prata feminina: “Nestes momentos estamos na cuarta posición, a un punto das tres primeiras clasificadas, polo que temos as aspiracións de ascender intactas”, argumenta.
Sobre as posibilidades de manter a categoría grazas ao ascenso do segundo equipo, Santi Martínez declara: “Temos as aspiracións de ascender intactas”
Polo que respecta ao partido desta fin de semana ante o Areces Ecopilas Asturhockey na Ok Liga, as coruñesas topáronse co acerto goleador de Sara Fernández que anotou 4 dos 5 goles das asturianas. As galegas xa perdían ao descanso 4-1 e conseguiron igualar o partido ate un 5-5 con goles de Antía Rivada, Julia Cabanas, Beatriz Varzeas (2) e Lara Yáñez.
Finalizada esta sétima xornada o HC Borbolla é terceiro pola cola con 13 puntos. CP Esneca Vila-Sana, Garatge Plana Girona CH e Igualdada Femení HCP (clubs que ocupan as prazas de permanencia) quedan fóra do seu alcance de xeito matemático. O único que queda por decidir é se o terceiro posto do Igualdada Femení HCP é tomado polo CP Vilanova ou polo Ene Oposicións Cuencas Mineras.
FICHA TÉCNICA
ARECES ECOPILAS ASTURHOCKEY: Victoria Novo García, Olga Giménez (C), Beatriz Cadrecha, Silvia Cadrecha e Sara Fernández – quinteto inicial -. Tamén xogaron: Judith Cobián, Alba Pampín, Adriana García. María Fidalgo (P).
HC BORBOLLA: Fernanda Tapia, Lara Yáñez, Fernanda Muñoz, Beatriz Varzeas e Lucía Yañez – quinteto inicial -. Tamén xogaron: Julia Cabanas, Antía Rivadas, Alba Díaz (C), Marta Vilas. Edén Avecilla (P).
GOLES: 1-0 Sara Fernández. 2-0: Sara Fernández. 3-0 Sara Fernández. 4-0 Silvia Cadrecha. 4-1 Antía Rivada. 4-2 Julia Cabanas. 4-3 Beatriz Varzeas. 5-3 Sara Fernández. 5-4 Beatriz Varzeas. 5-5 Lara Yáñez.
ARBITROS: Íñigo Maestro Sastre. Cronometrador Isaac Sanz Rodríguez.
INCIDENCIAS: Partido correspondente á sétima xornada da segunda fase da Ok Liga Grupo D (loita pola permanencia). Encontro disputado no Polideportivo Municipal de Grado (Asturias)
