Betanzos, saída e meta do Raid Gallaecia que discurre pola Reserva da Biosfera Mariñas Coruñesas e Terras do Mandeo

• A competición do Raid Gallaecia pon en xogo o título continental, un billete para o Campionato do Mundo 2023 de Sudáfrica e catro reloxos Enduro 2 de Garmin para os integrantes do equipo campión.
• A Praza Irmáns García Naveira de Betanzos acolle esta fin de semana a saída e a meta dunha proba con 185 quilómetros ‘non-stop’ combinando as disciplinas de trekking, bicicleta de montaña, kaiak, rápel e orientación.
• Entre os favoritos á vitoria están algúns dos mellores equipos da clasificación europea: os franceses Pyrénéés Expérience e Team FMR, o estoniano Onnevalem e o danés Team Racing Denmark.

Xa está todo listo na Praza Irmáns García Naveira no Concello de Betanzos para a celebración esta fin de semana do Raid Gallaecia – Campionato de Europa de carreiras de aventura 2022, unha proba de 185 quilómetros ‘non-stop’ combinando as disciplinas de trekking, bicicleta de montaña, kaiak, rápel e orientación sobre un espectacular percorrido no territorio da Reserva da Biosfera Mariñas Coruñesas e Terras do Mandeo.

A oitava edición do Raid Gallaecia, proba adscrita ás Series Mundiais de carreiras de aventura (ARWS, polas súas siglas en inglés) e que será tamén o escenario para a cuarta parada da liga Española de Raids de Aventura e a quinta manga da liga Galega de Raids, conta con 54 equipos rexistrados e 186 deportistas de sete países diferentes: España (42), Francia (4), Estonia (2), Dinamarca (2), Países Baixos (2), Finlandia (1) e Portugal (1).

A lista de equipos españois participantes está conformada polos seguintes grupos de deportistas:

1. Afodeporte
2. Euskalraid
3. Castrexas – Fluvial Lugo
4. Pitaya Extreme Cohu
5. SEO Ordes
6. Endurance
7. Sherpantásticos
8. Gallaecia Raid Gargalladas
9. Brigantia Adventure Race

A competición pon en xogo o primeiro título continental das ARWS, un billete para o Campionato do Mundo 2023 de Sudáfrica e catro reloxos Enduro 2 de Garmin para os integrantes do equipo campión, un cuantioso botín que congregou en Betanzos a algúns dos mellores equipos da clasificación das Series Europeas (ARES).

Entre os favoritos deste Raid Gallaecia – Campionato de Europa de carreiras de aventura 2022 destacan os franceses do Pyrénéés Expérience, que esta tempada rozou a vitoria no Raid Lowlands neerlandés (3º), o Nirvana Raid italiano (4º) e o Raid Graal suízo (4º), e o Team FMR, 7º no último Mundial e recente gañador en Suíza. Os outros dous vencedores en probas ARES son o estoniano Onnevalem (1º en Expedition Estonia) e o danés Team Racing Denmark (1º en Lowlands).

A triatleta Saleta Castro participa nun dos equipos neste Raid Gallaecia

Entre os representantes españois que participan neste Raid Gallaecia – Campionato de Europa de carreiras de aventura 2022 resaltan o Brigantia Adventure Race, 1º na clasificación LERA 2021 e que presenta unha aliñación con Ángel García, compoñente do Vidaraid nalgunhas probas das Series Mundiais e bronce europeo en OMTB, o Endurance, 9º no pasado Mundial e que aliña á triatleta profesional de longa distancia Saleta Castro, ou o vasco Euskalraid, experimentado conxunto en ARWS cun 7º posto en Expedición Guaraní 2017.

A Praza Irmáns García Naveira de Betanzos acollerá a saída ás 10:00 horas do sábado e a meta estará aberta ata as 13:30 horas. O percorrido, cun total de 185 quilómetros, está dividida en oito secciones: tres de trekking (58km), catro de bicicleta de montaña (106km) e unha de kaiak (21km), cunha proba especial de rápel na Torre do Reloxo.

Todo iso baixo o marco da orientación, disciplina común nas carreiras de aventura. E é que os participantes terán que trazar o roteiro coa axuda dun compás e os mapas que lles facilita a organización para pasar polos puntos de control obrigatorios (64) e as sete zonas de transición. Non está permitido o uso de dispositivos de navegación con GPS.

O Raid Gallaecia poderase seguir en tempo real desde calquera parte do mundo a través de raidgallaecia.com/ao vivo grazas á aplicación de xeolocalización Tracktherace e tamén cun punto físico: a Praza Irmáns García Naveira de Betanzos, onde haberá unha terraza e unha pantalla xigante con imaxes en directo desde varios puntos polos que pasará a carreira.

O listado provisional de equipos inscritos na ARWS Europe Championship 2022 é o seguinte: