No Club Ciclista Betanzos encaran o ano 2023 con moita ilusión e un proxecto de ciclismo feminino que empeza a coller forma. Desde a entidade betanceira anuncian a posta en marcha dun equipo feminino na categoría junior froito, explican, de “anos de traballo na base”.
Empeza o ano 2023 e con el a Escola de Ciclismo do Club Ciclista Betanzos empeza a preparar unha tempada que se presente moi ilusionante. Despois de anos de traballo na base por fin ve a luz un proxecto no que leva traballando varios anos, e non é outro que o equipo de mulleres en categoría Junior que este ano contará con sete integrantes, catro mozas formadas desde a base do club e tres incorporacións provenientes doutros clubs galegos.
Cun calendario no que se compaxinasen probas de Copa de España, do calendario Gallego e dalgunha outra en distintas comunidades, o equipo de mulleres do CCB estará formada polas seguintes corredoras:
- Andrea Prado Lareo (05/09/2005), junior de segundo ano, Andrea forma parte da Escola do Club Ciclista Betanzos desde o ano 2016 que se incorporaba á Escola en categoría Alevín. O ano pasado a punto estivo de levar a Clasificación Galega da Copa de Estradas e participaba en 3 probas de Copa de España co CCB.
- Lucía Ballester Yanes (10/10/2006), junior de primeiro ano, Lucía Ballester Yanes é das que forman parte da Escola do CCB desde a súa reactivación no ano 2013, sen dúbida unha chea de anos e un claro exemplo de formación desde a base. O ano pasado xunto con Andrea Prado Lareo disputaba tamén 3 probas de Copa de España, así como a práctica totalidade do calendario galego.
- Uxía Gómez Sánchez (19/10/2006), junior de primeiro ano, Uxía Gómez do mesmo xeito que Lucía Ballester foi das primeiras que se incorporaba no ano 2013 a lle escola de ciclismo do CCB, e tamén o ano pasado participaba en probas de Copa de España e no calendario galego de estrada en categoría cadete.
- Sara Veiga Prado (31-01-2006), junior de primeiro ano. Sara Veiga Prado incorporábase á Escula do CCB no ano 2017 e desde entón a súa progresión foi constante, sen dúbida una das corredoras con máis ímpeto e ganas.
- Xiana Camiña Expósito (22/11/2206), junior de primeiro ano. Xiana Camiña é unha das tres incorporacións ao CCB, a corredora de Redondela formábase no Avanza, unha das Escolas de ciclismo máis potentes de Galicia. Será o seu primeiro ano cun calendario de Copa de España, aínda que experiencia e garra non lle faltan.
- Lucía Torres Alonso (06/04/2005), junior de segundo ano. Lucía Torres Alonso é outra das incorporacións ao equipo de mulleres do CCB, a corredora Viguesa procedente do Club Ciclista Teis do mesmo xeito que Xiana Camiña debutará nun calendario de Copa de España, moitas coas ganas e moita a ilusión que Lucia trae a este proxecto.
- Laura Anes Fernández (06/04/2005), junior de segundo ano. Laura Anes Fernández vén dunha das grandes Escolas de ciclismo galegas, o Club Ciclista cidade de Lugo, habitual nas probas do calendario galego incorpórase ao equipo de mulleres do CCB con moitas moitas ganas e ilusión.
Ver esta publicación en Instagram
Os técnicos deste equipo do Club Ciclista Betanzos
Á fronte deste proxecto junior feminino do Club Ciclista Betanzos o aspecto deportivo correrá a cargo de Iván Bralo, ex corredor en activo ata a tempada 2020 en categoría sub-23, actualmente cursa 3º ano de INEF. Patricia Roel, toda unha institución no ciclismo en Betanzos, Graduada en ciencias da Actividade Física e o deporte e pioneira do ciclismo feminino, logrando varios campionatos Galegos, de España, integrante da Selección Española e ciclista profesional en Italia durante dúas tempadas, e Víctor Rivas como auxiliar e mecánico.
