A mugardesa Belén Toimil é a nova campioa de España no lanzamento de peso tras vencer na proba celebrada hoxe, sábado 20 de febreiro, en Madrid unha marca de 17.81m. A galega non acadou os ansiados 18 metros aos que ronda desde hai varias competicións, pero foi quen de rematar coa hexemonía de Úrsula Ruíz nesta modalidade de atletismo.
La nueva campeona en peso @belentoimil
acaba con una racha de de 11 títulos consecutivos (2010-2020) de @SulycaRuiz
#CEatletismoPC pic.twitter.com/JByJghv7HZ
— atletismoRFEA (@atletismoRFEA) February 20, 2021
O LVII Campionato Absoluto de Pista Cuberta amosou que Belén Toimil está enchufada e vai facendo historia no lanzamento de peso español con cada concurso ao que se presenta. Nesta ocasión tumbou o mandato de Úrsula Ruíz que durante unha década non tiña rival nesta disciplina atlética en España. Ruíz quedou segunda con 16,24 metros e Mónica Borraz foi terceira cun lanzamento de 14,92m. Toimil lanzou até os 17,81m e arriscou para ver de chegar nos seguintes intentos a esa meta dos 18 metros que se ten fixada, pero fixo tres nulos.
A lanzadora de Mugardos, que milita no Playas de Castellón, quedou a cinco centímetros da súa mellor marca persoal, acadada recentemente, 17,86 metros.
A mínima para o Campionato de Europa de Polonia está fixada en 18,20 m. Esa distancia está no punto de mira da lanzadora galega. “Vinme ben, con chispa. Faltoume un pouquiño para enganchala máis e pegar un bo lanzamento”, puntualiza a deportista galega que admite que “quería facer 18 metros, 18,20 era a mínima para o Europeo. Pero estou contenta xa que me vexo regular nos 17,70 – 17,80 metros”.
Belén Toimil, campioa de España: “Vinme ben, con chispa. Faltoume un pouquiño para enganchala máis e pegar un bo lanzamento. Quería facer 18 metros, 18,20 era a mínima para o Europeo. Pero estou contenta xa que me vexo regular nos 17,70 – 17,80 metros”
A satisfacción atisvábase na faciana da lanzadora do Playas de Castellón incluso baixo da máscara. É lóxico, xa que tal e como ela mesma explicaba este metal é “o meu primeiro ouro nacional en pista cuberta. No balance xeral estou contenta. Non conseguín todos os meus obxectivos de hoxe, pero esta medalla váleo e estou contenta”.
Belén Toimil mudou varias cuestións fundamentais na súa técnica e na súa preparación que lle están dando uns resultados espectaculares. Un dos cambios obsérvase fisicamente. A deportista púxose en mans de especialistas en nutrición, baixou de peso e gañou en forza. A segunda cuestión foi un reto colosal. A galega modificou a súa técnica de lanzamento e optou pola xiratoria. Admite que aínda é “irregular con esta técnica” pero o que non parece pórse en dúbida é que está sacando á mellor Toimil.
As notas para aprender que fai Belén Toimil que avisa que vai “loitar”
Cada competición, cada adestramento é para un deportista un momento de goce pero tamén de aprendizaxe. No polideportivo Municipal Gallur de Madrid, neste 57º Campionato de España Absoluto en pista cubierta, Belén Toimil apuntou algunhas cuestións a mellorar de cara ao futuro. “Notei que ao final tiña moita présa, quedábame un pouco atrás ao lanzar, tiña que esperar un pouco para meter máis o corpo e meter máis o brazo e deume máis centímetros”.
🥇 @belentoimil 🥇
🎙️”Quería hacer un poquito más, llegar a los 18, pero es mi primera oro nacional en pista cubierta así que estoy muy contenta”
🎙️”Seguiré trabajando y entrenando, me siento muy cómoda y creo que puedo hacer muy buenas marcas”#CEatletismoPC pic.twitter.com/vmCdp7pzgQ
— atletismoRFEA (@atletismoRFEA) February 20, 2021
A propia atleta explica que “a experiencia e a competición é o que me levo de aprendizaxe para a próxima. Pero bo, coas marcas que fixen véxome esperanzada para conseguir boas marcas no que queda de tempada”.
Belén Toimil sabe das esixencias enormes deste ano olímpico pero está lista para sacar na pista o mellor de si mesma. “A mínima é a máis esixente de sempre, 18,50 metros é o obxectivo para esta tempada. Seguirei adestrando, traballando, facendo pesas e adestrando ao técnica para corrixir estas cousas. Eu vouno a loitar”.
Belén Toimil, campioa de España: “A experiencia e a competición é o que me levo de aprendizaxe para a próxima. Pero bo, coas marcas que fixen véxome esperanzada para conseguir boas marcas no que queda de tempada”
Sobre o gañando co cambio de técnica explica que ela síntense “máis potente, no desprazamento acelero moito máis. A chegar ben colocada é unha explosión final. Sinto moi cómoda, para min é o mellor e creo que é co que podo facer boas marcas. Levo un ano e medio en giratorio, coa pandemia polo medio. Estou a adestrar co meu técnico, Carlos Burón, sesións moi intensas de técnica. Aínda quedan adestramentos e tempada. Cada adestramento conta e considero que teño marxe de mellora”, advirte a galega.
A competición transmítese por Teledeporte e hai un multistreaming de concursos na RFEAtv.
