O altetismo galego estará presente no LVII Campionato Absoluto de Pista Cuberta coa representación de seis atletas, tres delas mulleres: Ana Peleteiro, Belén Toimil e Nediam Vargas.
O torneo español, que se celebrara en Madrid do 19 ao 21 de febreiro, acolle distintas probas onde participarán estas atletas. Ana Peleteiro, que ven de quedar quinta no World Indoor Tour de atletismo, competirá en triplo. A galega é a gran favorita nesta categoría, e esta proba servirá de test para ver o seu nivell de cara a cita olímpica.
Toimil chegan nun gran momento de forma
Pola súa parte, Belén Toimil, estará en lanzamento de peso, unha modalidade na que acadou a súa mellor marca no campionato de clubs. A mugardesa aspira a obter o título que se lle escapou na última edición en Ourense. Nas últimas probas nas que participou foi mellorando a súa marca.
Hai tan so dez días que a lanzadora galega do Playas de Castellón vencía no lanzamento de peso na Copa Iberdrola e acadaba a segunda mellor marca española da historia cunha marca de 17.86 m. Esa distancia foi tamén a oitava europea do ano neste momento. Xa daquela Belén Toimil apuntaba que os 18 metros “están aí e quero tentalo”. Será este Campionato estatal a ocasión na que a galega chegue a lanzar até esa distancia?
Así mesmo, Nediam Vargas, do Playas Castellón como Toimil, competirá en pentathlon. A venezolana con ficha galega xa logrou un posto de finalista o ano pasado, rozando os catro mil puntos.
Esta representación galega complétase cos deportistas Adrián Ben e J. Marie Okutu, do FC Barcelona, e Alexander Barreiro, do Lugo Running, nas categorías masculinas.
Segundo informa a Federación de Atletismo Galego, as restricións ao número de participantes polas medidas COVID-19 fai que a esta edición só acudan un total de 301 atletas cuxos obxectivos e metas pasarán na gran maioria pola realización dun bó campionato que lles permita acadar e satisfacer os seus obxectivos.
Entre un grupo moi selecto dos mesmos atópanse quenes están na loita polas medallas e quenes aspiran de igual modo a lograr a mínima de participación para o Campionato de Europa baixo teito que terá lugar na cidade polaca de Torún a principio do mes de marzo.
Podes consultar nesta ligazón o listado completo de participantes.
