Na súa visita a Rivas – Vaciamadrid o Autos Cancela Zalaeta conseguiu reencontrase co trunfo. O fixo por 0-3 con marcadores de 15-25 26-28 e 23-25 que fixeron ás coruñesas merecedoras da vitoria nesta saída da Superliga Feminina 2 na que se enfrontaba ao Futura Center Arena Rivas.
As coruñesas estiveron moi vivas nos puntos que decidiron cada set e por iso, pese a non se impór por grandes vantaxes (a excepción do primeiro set), si foron merecedoras dunha vitoria que tiñan ganas de saborear.
O Autos Cancela Zalaeta encauzaba o partido no primeiro set, no que se impuxo con solvencia cun 15-25. Xa no segundo set as coruñesas foron máis resolutivas adxudicándose os puntos decisivos e apuntándose o 0-2 cun tanteo de 26-28. O terceiro set discurriu dun xeito parecido e rematou cun 23-25 que sentenciaba o encontro a favor das galegas.
O faroliño vermello non llo puxo doado ao CV Zalaeta no segundo e terceiro set pero as de Jorge Barrero xogaron con cabeza. Cabe salientar o acerto anotador da coruñesa Laura Vázquez, con 22 puntos.
As galegas ocupan logo desta 13ª xornada a sexta posición, na zona morna da táboa clasificatoria e o seu rival segue ocupando o posto de colista.
O seguinte reto das galegas na Superliga Femina 2 será recibir o vindeiro sábado 30 de xaneiro na polideportiva do Barrio das Flores na Coruña ao CV Torrejón. O partido pode server ás galegas para escalar postos na clasificación xa que o seu rival á tamén o seu inmediato predecesor e están empatadas a 17 puntos.
FICHA TÉCNICA
0) FUTURA CENTER ARENA RIVAS: Irene Rodríguez (10), María Manso (1), Paula Gómez (14), Beatriz Benito (3), Elena Pérez (3) e María Amado (2). Líbero: Irene Pérez. Tamén xogaron: Nerea Collado, Nuria Garrido, Sara Polo e Laura Peña (2).
3) AUTOS CANCELA ZALAETA: Susana Suárez (3), Leonora Guzzi (7), Cristina García (3), Laura Vázquez (22), Andrea Rivas (3) e Alba Quirós (17. Líbero: Noa Sánchez. Tamén xogaron: Patri Santos, Carlota Vilariño e María Rey (7).
PARCIAIS POR SETS: 15-25 26-28 e 23-25.
ÁRBITRA: Montserrat Dufort.
INCIDENCIAS: Partido correspondente á xornada 13ª da Superliga Feminina 2 disputado na cancha do CEIP José Hierro. O encontro disputouse a porta pechada.
