As xornadas “A terra, o balón mais elas”, organizadas polos Veteranos de Crendes e o CD Mabegondo, seguen en marcha coa colaboración do Concello de Abegondo. O proxecto busca visibilizar a través de varias actividades no Concello o papel da muller no fútbol e achegar esta realidade á rapazada do CEIP San Marcos.
Nunha primeira sesión, o encontro dirixiuse ao alumnado de 5º e 6º de Educación Primaria, cunha charla centrada nas mulleres no fútbol, da man das xornalistas Rocío Candal (Radio Galega, TVG e Riazor.org) e Sara Gallego (Radio Intereconomía). As profesionais foron entrevistadas para San Marquiños, a radio do centro.
O colexio de Abegondo acolle un encontro sobre o papel da muller no fútbol
Nos próximos días a iniciativa de “A terra, o balón mais elas” seguirá desenvolvéndose con distintas actividades. Este venres, 11 de xuño, a charla será ‘Matriarcas’, salientando a historia do fútbol feminino en Abegondo da man de Alfonso Hermida, Orlando Iglesias e representantes dos equipos femininos de Abegondo. Para inscribirse nesta xornada é necesario facelo nesta ligazón.
O mércores da seguinte semana, o día 16, a gardameta deportivista Esther Sullastres visitará o colexio. Os estudantes poderán mostrarlle creacións artísticas inspiradas na porteira, o Deportivo e o fútbol, así como facerlle unha entrevista, tal e como aprenderon das xornalistas na primeira xornada.
O seguinte venres, 18 de xuño, terá lugar a conferencia “As tres orixes do fútbol feminino glaego”, acompañada pola proxección do documental “Irene, a porteira”, dirixido por Óscar Losada.
En principio, as xornadas de “A terra, o balón mais elas” pecharanse cunha tripla charla o día 25: “A muller e as lesións no fútbol”, impartida pola fisioterapeuta Andrea Seijo; “A maternidade no fútbol”, coa futbolista e nai Sara Pita; e a presentación dos resultados do “Plan Piloto Elas+Fútbol 8M2021”, realizado por Bibiana Santiso en colaboración coa Universidade da Coruña. Despois das charlas haberá unha mesa de traballo, moderada por Lorena Pose, coas tres mulleres citadas e o público.
Posible visita de Iraia Iturregi
O proxecto podería extenderse ata o 2 de xullo coa visita da futbolista Iraia Iturregi. A organización segue á espera da confirmación do Athletic Club de Bilbao para esta charla sobre o fútbol feminino e o desenvolvemento da canteira vasca.
“A terra, o balón mais elas” en redes
Para seguir toda a actualidade desta iniciativa as entidades organizativas crearon os perfís de Twitter e Instagram, (en ambos @obalonmaiselas) nos que xa comezaron a compartir as primeiras experiencias deste proxecto.
, ́
•
Os #VeteranoDeCrendes e o @CDMabegondo estamos a facer un esforzo común para promover e conseguir axitar conciencias sobre o papel da muller no mundo do fútbol.
•#Fútbol #FutFem @abegondo @ceipsanmarcos pic.twitter.com/K3Rbj44sUe— A terra, o balón mais elas (@obalonmaiselas) June 7, 2021
