Toca poñerse ao día na Segunda División do Fútbol Sala na RFEF. Varios son os partidos adiados no seu día que se van disputar esta fin de semana. En todos estes hai equipos galegos implicados: Xóganse esta fin de semana os seguintes partidos pendentes: FSF Castro – CD Unionistas de Salamanca, Spring Cider Rodiles FSF – Cidade de As Burgas, Viaxes Amarelle FS – Valdetires Ferrol FSF e A Fervenza FS – 5 Coruña FS. O parón competitivo na categoría permite poder recuperar todos estos encontros pendentes.
Destacan os cruces de rivalidade provincial entre A Fervenza FS e o 5 Coruña Fútbol Sala que terá lugar na Malata mañá domingo 13 de febreiro ás 12:00 horas e o Viaxes Amarelle FS contra do Valdetires Ferrol Fútbol Sala que xogarán hoxe, sábado 12 de febreiro ás 19:00 horas no pavillón coruñés de Novo Mesoiro.
📅Xa temos data e hora para o encontro adiado ante o @5Corunafs
🧐Este domingo a partir das 12:00 en #AMalata xogaremos o encontro adiado da xornada pasada, ante un rival directo nun partido VITAL ⚔💪
¡Esperámosvos a todos! pic.twitter.com/mp4wgBLzEg
— Comarcal A Fervenza (@afervenzafsf) February 10, 2022
Na tarde do sábado dispútanse, ademais, o FSF Castro vs CD Unionistas Salamanca (17:00 horas, Pavillón Municipal Riberas de Lea) e o Spring Cider Rodiles FSF vs Cidade de As Burgas (19:00 horas, Polideportivo Municipal Manuel Busto). Tamén se xoga o CD Promesas – Viuda de Sainz Gora no Pavillón Municipal Gonzalo de Berceo (sábado 12, 17:00 horas).
LIGA 2ª NACIONAL
JORNADA 11 (aplazado)
📆 Sábado 12
🕡 19:00
🏟 Manuel Busto
🆚️ @rodilessport pic.twitter.com/Cbkcj4d5H0— Cidade de As Burgas FS (@cidadeasburgas) February 12, 2022
Especial atención merece o cruce entre o Valdetires Ferrol FSF, que o ano pasado case sube de categoría, e o Viaxes Amarelle FS, que descendía o pasado curso. As herculinas son líderes e as ferrolás ocupan a cuarta praza. Están separadas por dez puntos na táboa clasificatoria.
O campión do grupo 1 da pasada tempada nesta Segunda División visita a cancha das primeiras. Bueno, en realidade visita ás líderes pero non á súa cancha habitual. Esta vez as laranxas xogan no pavillón municipal de Novo Mesoiro. Segundo informan desde o club herculino para este partido Jorge Basanta citou ás porteiras Sandra Rodríguez e Leti Rojo, así como ás xogadoras de pista: Candela Soria, Patri Romaní, Cris Lourés, Èlia Gullí, Yaiza, Lau Doce, María Gómez e Carlita.
O rival das laranxas, o Valdetires Ferrol FSF, ten disputado doce xornadas de liga neste curso 2021-22 nas que colleitou 8 vitorias, 2 empates e 2 derrotas. Suma o conxunto departamental 52 goles a favor, un dato que as converte no 3º equipo máis anotador deste Grupo 1. Con 19 goles en contra é o segundo equipo menos goleado xunto coas herculinas.
Non tivo un bo arranque o conxunto ferrolá que logo da fantástica campaña pasada iniciaba este curso cedendo 2 derrotas e 2 empates nas seis primeiras xornadas. Pero iso é xa cousa do pasado e as verdibrancas levan unha serie de seis vitorias consecutivas e están metidas de cheo na lea de loitar por entrar na zona nobre da táboa clasificatoria da Segunda División. Na súa meta, volver a entrar no play-off.
Histórico de resultados entre Viaxes Amarelle e Valdetires Fútbol Sala
Os últimos cruces disputados entre herculinas e ferrolás remóntanse á tempada 2019/2020. Daquela o Viaxes Amarelle FS conseguira o ascenso á Primera División da RFEF logo dun emocionante play-off de ascenso xustamente fronte ao Valdetires Ferrol FS. As coruñesas venceran por un marcador de 3-1. Na competición regular as herculinas impuxéranse a domicilio sobre as de Ferrolterra por 4-7.
Todo apunta, polo tanto a un partido con goles e moi disputado entre dous dos equipos máis anotadores desta categoría do cinco contra cinco estatal.
Desde o Viaxes Amarelle FSF din que o equipo “tratará de seguir medrando na competición, e pondrá todas as súas armas sobre a cancha para poder conseguir dar continuidade á serie de vitorias que actualmente acumula e seguir unha semana máis no máis alto da clasificación”.
PLANNING DEL FIN DE SEMANA
SEGUNDA DIVISIÓN NACIONAL
▶️ @amarellefsf VS VALDETIRES FERROL FSF
🕢19:00
📅 12/02/2022
🏢Polideportivo do Novo MesoiroLIGA LOCAL MASCULINA
▶️ VALDETIRES FERROL FS VS FS SANTA MARIÑA DO MONTE
🕢18:00
📅12/02/2022
🏢Polideportivo de Neda pic.twitter.com/etLKTl1LoT— valdetiresfsf (@valdetiresfsf) February 12, 2022
O partido entre herculinas e ferrolás poderase ver por streaming
Desde o Viaxes Amarelle FSF anuncian que o partido poderá seguirse en liña a través dunha transmisión. Deste xeito o club di dar “continuidade ao proxecto iniciado a tempada pasada de emisión dos partidos en streaming, coa finalidade de chegar a todo o público posible e seguir fomentando o fútbol Sala femenino, de tal xeito que calquera poida seguir ao Viaxes Amarelle FSF na súa andaina pola Segunda RFEF Futsal Femenina”.
O partido de fútbol sala poderá verse ao vivo en liña na canle de YouTube do equipo laranxa a través da seguiente ligazón: https://youtu.be/cK6tvRfYZYE.
Aforo reducido ao 50%
De cara ao cruce con Valdetires Fútbol Sala, desde o Viaxes Amarelle FS recordan a todo o público que a capacidade de admisión de persoas nas bancadas nos eventos deportivos en interiores está reducida ao 50%, polo que a entidad contará con menos plazas disponibles na bancada. Lembran desde a entidade herculina a necesidade de realizar un rexistro para acceder como público.
Para cumplir coa normativa vixente o Viaxes Amarelle FSF puxo a disposición do público que desee asistir ao partido unha ligazón onde deben rexistrar os seus datos.
LIGAZÓN PARA REGISTRARSE PARA ACUDIR COMO PÚBLICO O PARTIDO.
⚔️👟⚽️🧡 DERBI PROVINCIAL ‼️
El @amarellefsf recupera uno de sus partidos aplazados contra el campeón de grupo de la temporada pasada, el @valdetiresfsf
📺 Streaming en https://t.co/bsZT9wpK1Y#futsalFemenino #RendirseNuncaFueUnaOpción
👉https://t.co/DixJkkNLLW pic.twitter.com/U9CSHlYASN
— Viaxes Amarelle FSF (@amarellefsf) February 11, 2022
Igualmente, desde o Viaxes Amarelle FSF lembran que coa actual situación sanitaria aconséllase “mantener o distanciamento social nas bancadas”, ademais de lembrar que está “prohibido quitar a máscara dentro do recinto deportivo, así como tampouco está permitido comer ou beber. De igual modo, tampouco se permite a entrada á instalación, unha vez que comenzou o partido e unha vez dentro, se se desexa saír non se poderá volver entrar no recinto”.
Para este encuentro entre Viaxes Amarelle FSF e Valdetires Ferrol Fútbol Sala o público poderá acceder á grada entre as 18:30 e as 18:55 horas.
