Nesta xornada sexta da Primera División Iberdrola FS xógase o primeiro dos clásicos da tempada no fútbol sala feminino estatal. O Pescados Rubén Burela FS vaise enfrontar ao Futsi Atlético Navalcarnero no Pavillón La Estación de Navalcarnero. Será hoxe, sábado 21/10/23 a partir das ás 18.00 horas en terras madrileñas con arbitraxe de Héctor Mayo.
Na convocatoria de Julio Delgado para este partido que está considerado o clásico do futsalfem estatal están as seguintes futbolistas:
Ver esta publicación en Instagram
Na previa deste partido entre as Guerreiras Laranxas e o Futsi Atlético Navalcarnero, a futbolista do Pescados Rubén Burela Cilene explicaba que o conxunto galego empezou a liga moi ben con cousas por mellorar como a “finalización. Estanos costando un pouco marcar goles, pero imos mellorar co avance da Liga”, declaraba a xogadora do conxunto galego.
Sobre o rival explicaba Cilene que o Futsi Atlético Navalcarnero é un equipo complicado “moi vertical que finaliza moi ben as súas xogadas”.
Na opinión da futbolista do Pescados Rubén Burela “Estamos ante un clásico con dous equipos que sempre loitan por títulos”. A deportista prognostica: “Seguramente será un partido moi competido con gran intensidade no que ambos os dous equipos buscarán o triunfo”.
Ver esta publicación en Instagram
No Futsi queren encher La Estación
Desde o corpo técnico do Fútsi Atlético Navalcarnero, Alberto Arranz Flores declaraba na previa: “Un clásico prepárase sempre con gran motivación, con moitas ganas e enfocándonos nos pequenos detalles que son os que deciden estos partidos. Afrontámolo con motivación tras vencer o último partido e esperando que se encha a cancha de La Estación”.
As madrileñas caían derrotadas na primeira xornada de Liga na cancha do Arriva AD Alcorcón por 5-4. Desde entón non volveron perder. Impuxéronse ao Torreblanca Melilla 5-2, ao LBTL Futsal Alcantarilla por 2-3, ao ENCE Marín Futsal 3-0, e veñen de vencer na cancha do FSF Castro Bloques Cando por un axustado 3-4. As lucenses, novatas na categoría, case dan a sorpresa diante dun dos equipos máis fortes da máxima categoría do futsalfem estatal.
Ver esta publicación en Instagram
O encontro poderá seguirse a través de YouTube nesta ligazón:
