A piques cumprir os dous anos de vida informando día tras día en galego, As Nosas recibía este venres o seu primeiro galardón. A Federación Galega de Atletismo e a Consellería de Cultura, Educación e Universidade da Xunta de Galicia decidiron distinguir ao noso medio na gala do Centenario do Atletismo Galego.
Nesa cita festiva e na que se conmemoraba os 100 anos de vida da Federación Galega de Atletismo (fundada en Vigo en marzo de 1921), destacouse a figura de laureadas e laureados deportistas entre deles figuras olímpicas, mundialistas, campioas e campións estatais ou grandes finalistas de competicións relevantes no calendario atlético. Polo Auditorio de Lalín que acolleu a cita desfilaron atletas da talla de Belén Toimil, Adrián Ben, Julia Vaquero, María Abel, Andrés Díaz ou o propio Isidoro Hornillos que agora preside a federación.
Tamén se distinguiu a clubs con moitos anos de historia e traballo a prol do atletismo en Galicia, como a SG de Pontevedra, a Escola Atlética Pereiro de Aguiar Ben Cho Shey ou o a Sociedade Atlética do TREGA, entre doutros, e a adestradores e xuíces como a veterana María Isabel Gonzalez Kaimalis. Asimismo, se recoñeceu a achega que institucións como a Xunta de Galicia, nomeadamente a secretaría xeral para o Deporte, ou as deputacións provinciais.
Como difusores do atletismo galego galardouse a diferentes medios de comunicación: El Progreso de Lugo, La Región de Ourense, La Voz de Galicia, O Sil, Radio Galega e TVG (CRTVG) ou a Cadena SER Ourense.
Ver esta publicación en Instagram
Nese capítulo de medios de comunicación este xornal deportivo, As Nosas, recibía un premio especial polo uso e fomento da lingua galega a e a súa aposta polo deporte femenino. Un recoñecemento que agradecemos in situ na gala, á que acudiu a nosa directora, Silvia Carregal, e que reiteramos neste espazo. O encargado de facer a entrega do galardón foi Román Rodríguez, Conselleiro de Educación Cultura e Universidades.
Silvia Cameán, directora do Medio Dixital As Nosas, recibe a distinción ao emprego da nosa Lingua Galega pic.twitter.com/XTGTmsTf0k
— Atletismo Galego (@atletismogalego) December 17, 2021
