A Volta a Oza, quinta parada de Coruña Corre, apenas cambiou o decorado: Álvaro Presedo e Uxía Rodríguez fóronse de vacacións co primeiro posto e consérvano.
Presedo, segundo en Oza, mantén a súa posición de privilexio con cinco puntos noutras tantas carreiras disputadas, agora cun de vantaxe respecto de Abdelaziz Fatihi, que rozou o podio o pasado fin de semana O terceiro caixón na xeral é para Álvaro Marín con oito unidades.
Tamén conserva a posición de privilexio na categoría feminina do circuíto Coruña Corre Uxía Rodríguez, gañadora en Oza, que leva 238 puntos en tres carreiras, dez menos que os que acumula Nerea Sánchez, que competiu nas cinco. Nati García ocupa a terceira posición con 265.
En Mixtos Adultos lidera o circuíto Coruña Corre Running Oleiros, con 10 puntos en catro probas e nove de vantaxe respecto de Showrunners CAS, que son os únicos do podio con cinco carreiras completadas. CompisCas 6* marchan en terceiro lugar con 23 puntos.
En sub-18, están á fronte da clasificación do circuíto Coruña Corre Juan Cañizo e Ainoa Gontán; en sub-16, Alba Pena e Juan Bouzón; en sub-14, Alba Morais e Adrián Paz; en sub-12, Lucía Ageitos e Hugo Oubel, e en sub-10, Paula Morais e Hugo Cordal.
Podes consultar a clasificación provisional do circuíto de adultos na ligazón e do circuíto de menores na ligazón
