Empate e mesmo resultado para o Umia e Atlético Arousana nos seus respectivos duelos. As de Ribadumia recibían ao segundo clasificado da Liga e acadaron un empate (1-1) no minuto 93′ moi valioso para seguir loitando pola permanencia. O Arousana recibía a un rival directo como é o Gijón FF e non puido pasar do empate 1-1.
Un punto que sabe moi ben
Gran punto acadado na Bouza para o Umia fronto ao Monte de Santander, segundo clasificado da Liga. Ainda así, as Vikingas foron quen de poñerlle as cousas moi difíciles as visitantes, sobre todo na primeira parte. O equipo cántabro non foi quen de trenzar un bo xogo por culpa da boa presión do Umia durante o partido.
As galegas estiveron moi ben no apartado defensivo, pero iso non evitou que o equipo rival chegara en varias accións ata as inmediacións da gardamallas galega pero a liña defensiva solventouno con seguridade. A segunda parte foi un calco da primeira, o único perigo das de Santander era a balón parado e con algún centro lateral.
Edu González, adestrador do Umia: “É un punto que nos sabe moi ben e máis sabendo o rival que nos visitaba. Este resultado vai vir ben”.
No minuto 72, cando o partido parecía que ia a quedar nun resultado gafas, un centro lateral que non chega a detener House por un barullo na área o balón quédalle a Laura Camino que só tivo que empurrar o balón ao fondo das mallas. A mala fortuna para o Umia non quedou aí xa que nesa fatídica xogada lesionouse Ahinoa Varela e tivo que ser sustituida.
Edu González, adestrador do Umia: “Temos que seguir pelexando. É importante gañar os nosos duelos directos. Polo menos esta noite durmimos fóra do descenso”.
Tras o gol, as Vikingas, buscaron o empate, e no minuto 93, cando xa non faltaba nada para que o colexiado pitara o final, chegou un gol que vale ouro. Un punto que recompensa o esforzo de todo el equipo, nunha xogada cun bo pase de Miriam para Antia e esta deixa soa a Eva que cunha gran definición puxera o empate definitivo no marcador. Non foi o mellor partido das galegas en canto no que se refiere ao xogo, pero si en intensidade. O Umia visita no próximo partido ao Gijon FF, un partido moi importante na loita pola permanencia.
Empate que sabe a pouco
O Arousana chegaba a este partido coa mentalidade de coller un dos últimos trens cara a permanencia. As galegas non puideron pasar do empate a un ante un rival directo como é o Gijón FF.
A pesar da presión, as pupilas de Moncho e Nando comezaron moi ben o encontro e pronto puxéronse por dainte cun gol tempraneiro de María no minuto 13 tras unha boa xogada de Miri por bande esquerda. Un contraataque de libro que finalizou María a bocaxarro tras rechazar no pé da gardamallas gijonesa.
Moncho, adestrador do Arousana: “O resultado non é o que esperabamos nin o que necesitabamos. Estas xogadoras merecen máis polo traballo e o compromiso que sempre demostran. Un dez quédaseme curto, doulles un once ao traballo e compromiso”.
Coa ventaxa pola mínima chegábase ao descanso e a tendencia mantívose na segunda parte. As amarelas incluso puideron ampliar a renta tras un erro nunha ocasión moi clara que puido ser o 2-0. Nada máis lonxe da realidade xa que no 64′ chegaría o empate tras un gol de Líber. Un despexe da zaga visitante colleu ás costas da defensa do Arosusana e a dianteira non perdonou diante da gardamallas amarela.
Moncho, adestrador do Arousana: “Somos un equipo que compite os partidos e con iso é co que me quedo. Quedan sete partidos e esperemos que a balanza se decline ao noso favor”.
Con este empate, o Arousana deixa pasar un dos últimos trens cara a salvación e agora lles quedan sete finais para seguir soñando con manter a categoría.
Moncho, adestrador do Arousana: “O Gijón é un equipo que vai a máis, un rival que se reforzou ben e moito mellor que o da primeira volta”.
