Tere Abelleira, ex xogadora do Dépor ABANCA, e actual xogadora do Real Madrid ven de gañar o premio á xogadora revelación outorgado polo xornal deportivo Marca.
Tras recibir o galardón, a centrocampista galega quixo recalcar o apoio e importancia do seu antigo conxunto, “A todas as miñas compañeiras do ano pasado, esto tamén es voso. O EQUIPO foi a revelación”, publicou a pontevedresa no seu perfil de Twitter.
¡Muy feliz de recibir este premio de @marca ! Muchas gracias 😊
A todas mis compañeras del año pasado, esto también es vuestro. El EQUIPO fue la revelación. pic.twitter.com/kGOxwPxjWs— Teresa Abelleira (@teresabelleira) November 30, 2020
Xogadora do Dépor ABANCA desde a súa creación na tempada 2016-2017, a futbolista natural de Pontevedra foi sempre unha peza chave no xogo branquiazul. Segundo a web do R. C. Deportivo, a xogadora foi a autora de dez tantos na súa última tempada como herculina, na que xogou 27 partidos.
Os éxitos seguen para Abelleira, que ven de debutar coa Selección Española, o pasado venres, 28 de novembro. Despois de ser convocada tres veces para o combinado estatal, a futbolista estreouse coa elástica vermella ante Moldavia, nun partido que as españolas venceron por goleada.
Ademais, na súa traxectoria como internacional, Tere Abelleira disputou encontros coa selección sub-17 e coa sub-19. Coa primeira problamouse subcampioa de Europa e coa segunda logrou o campionato continental.
Desde esta tempada, a centrocampista milita nas filas do Real Madrid, no que é o primeiro curso deste equipo na Liga Iberdrola, tras absorber ao Tacón.
