O pavillón municipal de Santa Isabel en Santiago de Compostela, convertirase esta fin de semana no centro da loita española con tres campionatos estatais.
O centro acollerá este sábado 27 e domingo 28 de Marzo, o Campionato de Loitas Olímpicas escolar, cadete e U-23 nas tres modalidades olímpicas: Loita Feminina, Loita Libre Olímpica e Loita Grecorromana.
A Federación Galega de Loita en colaboración coa Federación Española de Luchas Olímpicas, o Club de Loita Stellae, o Concello de Santiago de Compostela, e a Secretaría Xeral para o Deporte, organizarán os campionatos de España con un total de 512 inscricións para todos os campionatos.
Comeza unha nova tempada de loita marcada pola COVID-19
A burbulla das Loitas Olímpicas terá en Santiago de Compostela, a primeira competición nacional organizada na cidade dende o ano 2019. Este fin de semana será o punto de arranque desta nova tempada.
A seguridade e os protocolos COVID-19 rexerán as competicións, establecendo un marco único de seguridade para todos os participantes. A obrigatoriedade de facer os test de antíxenos naseo-farínxeos, previos a competición, así como test aleatorios no Hotel OCA Puerta del Camino, onde estaremos todos os equipos aloxados, formando unha burbulla de seguridade, que será a grande novidade de estes eventos.
Seguindo os protocolos, non haberá público no pavillón, pero a competición poderá seguirse vía streaming, a través da plataforma da Federación Española. En total haberá 15 comuniades autónomas presentes, cos mellores deportistas nacionais.
Previa das competicións internacionais
Estes campionatos serán unha proba selectiva, para participar nos campionatos de Europa e do Mundo deste ano 2021.
A competición desenrolarase en tres xornadas diferenciadas, para separar os deportistas e manter a seguridade sanitaria ao longo de todo o campionato:
- Sábado 27 en xornada de mañá: Cto. De España Escolar de 10:00 a 14:00 horas.
- Sábado 27 en xornada de tarde: Cto. De España cadete de 16:00 a 20:00 horas.
- Domingo 28 en xornada de mañá: Cto. De España U-23 de 10:00 a 14:00 horas.
Os seleccionadores nacionais estarán moi pendentes dos resultados dos deportistas para confeccionar as diferentes seleccións Españolas, de cara as vindeiras citas, tanto as continentais como as mundiais.
Desde a Fegaloita, queren aproveitar a ocasión para agradecer a colaboración do Concello de Santiago de Compostela, “aberto sempre o deporte e que garante que estas competicións podan levarse a cabo, o Club de Loita Stellae de Santiago de Compostela, a Secretaría Xeral para o Deporte e a Deputación de Coruña, así como a confianza depositada pola Federación Española de Lucha, e os patrocinadores privados que colaboran para que sexa posible organizar este tipo de eventos”.
Galicia, referente na loita feminina
A Federación Galega quere destacar o aumento no número de deportistas femininas que compiten a nivel estatal. Dentro de España, Galicia é un dos referentes a nivel nacional no deporte feminino e nas loitas olímpicas.
Por outra banda o Colexio Galego de Árbitros e Xuíces, que está de noraboa, polos catro árbitros convocados polo Colegio Nacional de Jueces Árbitros. Dentro do ámbito da arbitraxe, Galicia presenta a cinco novas árbitras para o ascenso a categoría nacional.
Os beneficios económicos para Santiago de Compostela
Este fin de semana deixará en Santiago de Compostela, un gran retorno económico. O motor do deporte arranca, deixando un gran evento deportivo, e un respiro para o sector hosteleiro, e de servizos. Unha estimación de mais de 120.000,00€, quedarán na capital galega durante o fin de semana da competición.
