Por moito que o tentaron as pupilas de Santi Martínez, o HC Borbolla foi incapaz de darlle a volta ao marcador no seu segundo asalto ligueiro desta tempada. Tres goles nos primeiros dez minutos de xogo, condearon ás representantes coruñesas na OK Liga á derrota. A verdugo foi Alba Garrote, autora dos tres tantos que puxeron tan costa arriba o encontro ás galegas.
O técnico das ‘tomatitas’, Santi Martínez, consideraba que eso foi unha das chaves do partido contra o Cuencas Mineras que tivo como resultado final 3-5 a favor das asturianas. “Unha das claves do encontro foron os goles tempraneiros que nos meteron. Fomos todo o partido a remolque sen poder impór o tempo no partido. Non fomos fieis ao noso xeito de xogar”, lamentaba o adestrador das herculinas.
Julia Cabanas anotou o primeiro tanto das coruñesas aos dez minutos, pero o HC Borbolla non conseguía mandar no partido. E hoquei a patíns unha diferencia de dous goles non é ningún abismo pero se non mandas no control da bóla e non consegues marcar os tempos de xogo, si podes estar condeándote a que a distancia no electrónico medre.
Eso foi xusto o que aconteceu. En lugar de acortar diferencias, as galegas chegaron a estar 1-5 no marcador. Os goles da lusa Bea Pereira de penalti no minuto 40 e de Lucía Yáñez nove máis tarde deixaban o electrónico en Monte Alto cun 3-5.
Santi Martínez, adestrador do HC Borbolla: “Non logramos xogar como nos gusta salvo en algún momento do encontro. Non tivemos o noso día”
Logo do encontro Santi Martínez tiña claro que as coruñesas non tiveran o seu día. “Non logramos xogar como nos gusta salvo en algún momento do encontro. Non tivemos o noso día”, lamentaba.
Santi Martínez: “Temos que saír moi concentradas”
Para o técnico das galegas, a lectura a sacar deste encontro coas asturianas é que “temos que saír moi concentradas desde o mesmo instante en que o árbitro pita o inicio do partido”.
Matiza, non en tanto, que se ben “non xogamos como desexamos”, as súas xogadoras deron “a cara e buscaron a remontada ata a finalización do partido”. Ganas, polo tanto, non faltan e capacidade tampouco. So queda atopar a senda dos triunfos e empezar a sumar. Mágoa este tropezo con rivais directos, pero aínda queda moita competición.
Santi Martínez, adestrador do HC Borbolla: “Non xogamos como desexamos, pero dimos cara e buscamos remontada ata a finalización do partido”
Con todo, dous partidos disputados como local nesta OK Liga 2020-21 e dúas derrotas son a bagaxe do HC Borbolla. Primeiro foi o CP Alcorcón (1-2) e esta fin de semana o Cuencas Mineras (3-5).
O próximo rival: o líder e actual campión da categoría: Magic Studio CP Manlleu. Quen dixo medo?
FICHA TÉCNICA
HC BORBOLLA: Edén Avecilla (P), Julia Cabanas, Lara Yáñez, Bea Pereira, Lucía Yáñez -cinco inicial-, Antía Rivadas, Alba Díaz, Marta Vilas (C) e Florencia de Girolamo (PS),
CUENCAS MINERAS: Navarrete (P), Alba Garrote, Milagros Puig, Silva, Helena de Sivatte -cinco inicial-, Paula Rey (ps), Indira Vázquez, Andrea Soberón, Florencia Llera e Carmen Morales.
RESULTADO: 3-5
GOLES: 0-1: min. 3, Alba Garrote. 0-2: min. 8, Alba Garrote. 0-3: min. 9, Alba Garrote. 1-3: min. 10, Julia Cabanas. 1-4: min. 19, Silva. 1-5: min. 39, Helena de Sivatte. 2-5: min. 40, Bea Pereira (penalti). 3-5: min. 49, Lucía Yáñez.
COLEXIADOS: Árbitro principal: Daniel Villar. Árbibro auxiliar: Enrique Manuel Díaz Sánchez. Amosou tarxeta azul a Puig.
INCIDENCIAS: Pavillón de Monte Alto (A Coruña). Partido correspondente á segunda xornada da OK Liga feminina da Federación Española de Patinaxe.
