Esta fin de semana regresa a Liga Iberdrola de Clubes de atletismo con Vigo como sede da segunda xornada en Primeira División. Na máxima categoría, a División de Honor, competirá o Ría Ferrol. Na seguinte, participarán o Atletismo Feminino Celta como organizador e o SG Pontevedra dentro do mesmo grupo. Finalmente na Segunda División será o turno da ADAS Proinor.
O Ría Ferrol é o club feminino de maior categoría, que disputara a xornada desta fin de semana co obxectivo de evitar o último posto e seguir sumando puntos cara o terceiro e decisivo encontro desta Liga Iberdrola. Este terá lugar entre o 12 e o 13 de xuño en La Nucia (Alicante). De facer unha boa competición, poderían acadar a clasificación para a Fase do Título.
As ferrolás competirán esta fin de semana en Castellón, contra o Playas Castellón, o Trops-Cueva de Nerja e o L’Hospitalet Atletismo. Como parte do equipo anfitrión competirá a lanzadora mugardesa Belén Toimil, quen vén de clasificarse décima na Copa de Europa.
Belén Toimil: “Pode que estivera no meu top tres de peores competicións”
O Celta acolle a segunda xornada na que tamén compite a SG Pontevedra
Xa na Primeira División, o Atletismo Feminino Celta, último clasificado despois da primeira xornada, acolle a segunda cita. As celestes competirán en casa, en Balaídos, polo que contan co factor local ao seu favor para mellorar os seus resultados.
As atletas viguesas precisan un segundo posto para competir con tranquilidade na xornada final pola permanencia. No primeiro encontro
O outro equipo galego deste grupo é o SG Pontevedra, un club que loita por meterse no grupo de loita polo ascenso, despois dun excelente resultado na primeira xornada.
O equipo pontevedrés terá que afrontar esta segunda xornada con moitas baixas. Antía Chamosa non acudirá á cita, xa que competirá na Copa de Europa de Marcha.
Antía Chamosa competirá pola Selección Española na Copa de Europa de Marcha
Eva Arias está lesionada e non participará nos 3.000 metros obstáculos e Lucía Ferreiro ten exames de oposicións, polo que non estará presente na pértega.
Ocupando os seus lugares acudirán Inés Rodríguez para marcha, Raquel de la Torre para a pértega e Marina Porteiro nos 3.000 metros obstáculos. A mesma distancia en lisos será para Candela Sánchez, atleta do filial.
O grupo complétase co Tenerife Cajacanarias e o Bidezabal Atletismo.
O ADAS Proinor loita polo ascenso á Primeira
Dentro do Campionato de España de Clubs de Segunda División, o ADAS Proinor será o único galego feminino en competir. As galegas xóganse unhas das prazas que dan o ascenso á Primeira División o vindeiro 13 de xuño.
Se perdiches a primeira xornada ou queres refrescar a memoria, visualiza aquí o resumo do inicio da Liga Iberdrola de Clubes.
