Representación galega nas ‘Leonas’ da Selección Española de Voleibol no EurovolleyW

Todo listo para que as ‘Leonas’ do voleibol española se lancen a polo EurovolleyW. Nas filas do conxunto que adestra Pascual Saurín, hai representación galega. Alí están as xogadoras do CV Arenal Emeve Lugo: Lucía Prol, Inma Lavado e Carolina Camino.

A Selección Española feminina de voleibol regresou ao Campionato de Europa en 2019 e buscará afianzarse na elite continental nun verán cheo de ilusión tras a medalla obtida na pasada European Golden Leaque, explican desde a RFEVB.

Pascual Saurín adestra a un combinado que retorna á máxima cita continental cun bloque novo e que tratará de repetir o pase ás eliminatorias. As ‘Leonas’ do volei quedaron encadradas no grupo B con sede na localidade búlgara de Plovdiv.

O grupo arranca cun Bulgaría e Grecia. Xunto a búlgaras e helenas, España medirase con República Checa, o seu rival no encontro polo bronce da pasada European golden League, Alemaña e Polonia. Un durísimo grupo que España tentará superar.

Os seis conxuntos do grupo B mediranse todos contra todos en formato liga a unha volta para obter un dos catro billetes cara aos oitavos de final.

Pascual Saurín sinalaba como chegan as xogadoras españolas ao EurovolleyW: “sempre coa máxima ilusión porque é un gran espectáculo que nos permite competir contra países de primeiro nivel europeo”. O técnico do combinado español expuña o obxectivo: “xogar cada partido coa máxima intensidade e se iso deriva en resultados positivos que nos fagan seguir na competición pois mellor, pero se eses resultados non chegasen polo nivel altísimo dos rivais pois nos quedará a satisfacción de dalo todo na pista”.

O conxunto español empeza ante a República Checa

España terá que afrontar un torneo moi complicado. O concurso das vermellas comezará mañá, xoves 19 de agosto ás 16:30 horas diante da República Checa, un encontro que para Pascual Saurín é o “máis importante que imos xogar contra República Checa porque nos vai a marcar moito o futuro da competición”.

O venres 20, será un día de descanso para o conxunto español que volverá á pista do Kolodruna de Plovdiv o sábado para enfrontarse co conxunto anfitrión ás 19:30 horas.

O domingo 22, España medirase ás 16 horas coa Selección de Grecia, que está dirixida polo adestrador español Guillermo Naranjo.

O luns 23 reeditarase o duelo de oitavos de final do pasado EurovolleyW entre España e Polonia ás 19:30 horas para dar paso á segunda xornada de descanso, antes do último choque do grupo B o mércores 25 ás 16:30 que enfrontará as ‘Leonas’ do volei con Alemaña.

Polonia cortou o regreso de España ao EurovolleyW en 2019, tras superar unha complicada primeira fase onde venceu a Bielorrusia e Suíza. No choque de oitavos de final, as polacas superaban en tres sets en Lodz España, na despedida da selección de Mabel Caro e Helia González.

“É certo que aínda que vimos dunha dinámica positiva pola clasificación europea e a medalla de bronce na Golden european league,non puidemos preparar o eurovoley como o tiñamos planificado pola situación da pandemia. Un dos nosos retos xa está cumprido ao poder competir en Bulgaria pero temos claro que non buscamos xustificacións e que imos tentar chegar o máis lonxe posible”, sinalaba Pascual Saurín á súa chegada a Plovdiv.

Pódense ver os partidos das Leonas por streaming

Todos os encontros do Campionato de Europa, incluídos os que dispute España, poderán seguirse por streaming a través da plataforma da CEV, www.eurovolley.tv, un servizo por subscrición cun custo desde 5 euros ao mes.

O seleccionador Pascual Saurín convocou ás seguintes 14 xogadoras para afrontar o regreso ao EuroVolleyW:

Cuerpo Técnico: