O Rubensa Porriño perde na súa casa, no pavillón municipal do Porriño ante o Oviedo Balonmano (20-25). O que fai que baixen ata a décima posición na clasificación da División da Honra Prata. Aos dez minutos do partido levaban unha renda de 2 goles cun electrónico de 5 a 3.
Pero 15 minutos máis tarde o Oviedo deulle a volta a esa vantaxe. O que facía que Miguel Sánchez, o adestrador local pedira tempo morto para reconducir as súas xogadoras. Ao descanso iban 3 por debaixo: 8 a 11. O paso polo vestiario reconformou as porriñense posto que antes do asubío final as locais tiveron moitas opcións para igualar o partido.
“Pequenas diferenzas sempre a favor do equipo contrario. As defensas se impoñían aos ataques. Estivo moi competido e ao final houbo moitas opcions para igualar o marcador, non permitindo que o Oviedo relaxárase en ningún momento. Estou moi contento polo partido e por que este é o camiño correcto para crecer”, comentou Miguel Sánchez, o técnico porriñense, para As Nosas.
FICHA TÉCNICA
RUBENSA BM PORRIÑO: María Groba, Andrea Amarilla, Marta Martínez, Alicia Campo, Anastasija Doder, Marta Groba, Begoña Otero, Sandra Fernández, Paula Gómez, Olalla Rodríguez, Laura Barros, Claudia Blanco, Erika Roma e Cristina Martínez.
OVIEDO BALONMANO FEMENINO: Celia Roja, Mariam Cortina, Estafania Papapar, Teresa Rodríguez, Andrea Carbajal, Valentina Pérez, Inés Suárez, Marta Ordoññez, Marina Franco, Carmen García-Calvo, Natalia Martínez, Dahiana Sánchez e Brenda Torres.
MARCADOR CADA 5′: 2-2, 5-3, 6-5, 6-7, 7-9, 8-11, 11-14, 13-18, 15-20, 17-22, 18-23, 20-25.
ÁRBITROS: David Montes González e Armando Abel Pérez Pomares.
INCIDENCIAS: Partido correspondente a xornada 19 da División de Honra Prata no que se enfrontaron ao Rubensa BM Porriño contra o Oviedo Balonmano no Pavillón Municipal de Porriño.
