O GPS 7s Copa da Raíña Iberdrola de rugby finalizou a súa sede na Coruña, pero antes de rematar a competición pasa tamén por Sant Cugat. Alí as galegas do CRAT Residencia Rialta deberán loitar polo título, partindo como as terceira mellor clasificadas.
O torneo que terá lugar a vindeira fin de semana na localidade catalá porá punto e final á tempada de rugby español. Ata 12 dos mellores clubs do deporte oval acuden á cita, na que competirán por demostrar quen é o mellor na modalidade olímpica.
O CRAT loita polo título
O club coruñés parte como cabeza do grupo C, é dicir, o terceiro mellor clasificado, tras a disputa da sede herculina a pasada fin de semana. As xogadoras do CRAT teñen por diante ao CR Majadahonda e ao Complutense Cisneros, superiores ás galegas na fase disputada en Elviña.
O podio estará moi rifado entre tres equipos de tan alto nivel. O Majadahonda é tricampión e vixente poseedor do título da modalidade olímpica, e para esta fin de semana parte en cabeza tras o seu triunfo na Coruña. Pola súa parte, o Complutense Cisneros parte na segunda posición, malia ter perdido ante as coruñesas na primeira xornada da competición.
Pola súa parte, o CRAT chegou ata a semifinal da primeira fase, onde caeron derrotadas por un 10-7 ante as madrileñas do Majadahonda, que logo se farían coa vitoria da primeira parte do torneo.
O CRAT finaliza terceiro na Copa da Raíña 7s celebrada na Coruña
Para esta segunda fin de semana, as galegas comezarán competindo enmarcadas no grupo C, formado por Sanse Scrm RC, CDU Sevilla e XV Hortaleza, ademais das propias herculinas. O seu primiero partido terá lugar o sábado ás 10:22, ante o Hortaleza. Despois, enfrontaranse ao CDU Sevilla ás 13:06 e finalizarán esta primeira xornada ante o Sanse Scrum, ás 15:50.
Ambas xornadas retransmitiranse vía streaming pola canle de Youtube do organizador, o CR Sant Cugat. Podes seguilas en directo aquí:
Xornada 1:
Xornada 2: