A primeira sede do GPS 7s Copa da Raíña Iberdrola de rugby que se celebrou en Elviña, na Coruña, deixa ao club anfitrión, o CRAT Residencia Rialta, como terceiro clasificado. As herculinas alzáronse co bronce en casa e na vindeira fin de semana viaxarán a Sant Cugat para disputar a segunda sede e o desenlace do torneo.
O club coruñés comezou cun pleno de vitorias na xornada do sábado, vencendo a León RC, Olímpico de Pozuelo e Cisneros e proclamándose campión do grupo B.
O CRAT lidera o grupo B na Copa da Raíña 7s e loitará polo ouro
Con estes resultados, o CRAT tivo como rival ao Eibar RT nos cuartos de final, ao que venceu por un 20-15. Na semifinal agardaba o Majadahonda, un duro rival para as galegas que tiveron que sufrir nun encontro moi igualado. Desta vez, as coruñesas non puideron facerse coa vitoria, caendo cun 10-7.
O último encontro do club herculino foi a loita polo bronce. O contrincante das galegas foi o Rugby Turia, ao que venceron por un 7-0. Con este resultado, o CRAT subiu á terceira posición do podio, por diante do Turia, e por detrás do Rugby Cisneros e o CR Majadahonda, campión da competición.
Jess it is , nos da el broce 🥉en esta #GPS @CopaReina7s , tremendo esfuerzo de las jugadoras y de @jjfraguel en el 🎤 pic.twitter.com/P0Sg1RgI2B
— C.R.A.T. A Coruña 😷 (@CRAT1976) June 20, 2021
O Challenge 7s de Culleredo deixa como campión a Les Abelles
Durante a fin de semana celebrouse en terras galegas outro campionato de rugby 7, o Challenge da Copa da Raíña. O torneo, disputado en Acea da Ma de Culleredo, determinou o equipo que ascende á máxima categoría da Copa, deixando como campión a Les Abelles.
As valencianas gañaron os seis encontros do grupo único, proclamándose campioas e obtendo a praza para competir na Copa da Raíña na videira tempada.
