- O CRAT Residencia Rialta da A Coruña recibe en no Estadio de Elviña o domingo 14 de abril a partir das 13:30 horas ao Ghenova Cocos Rugby nas semifinais da Copa RFER
Chegan as roldas eliminatorias para o CRAT Residencia Rialta tras clasificarse a semifinais tanto na Copa RFER como na fase final da Liga Iberdrola.
Mañá domingo, o CRAT Residencia Rialta recibirá ás 13:30 a Ghenova Cocos Rugby no Estadio Universitario de Elviña. O equipo vencedor deste cruce entre galegas e andaluzas verase as caras na final co conxunto gañador do partido que enfronta a Silicius Rugby Majadahonda e Club de Rugby Sant Cugat.
Os dous equipos víronse as caras nas instalacións da Cartuja na cuarta xornada da fase regular da liga Iberdrola cun resultado de 5 a 24 a favor do CRAT Residencia Rialta que se impuxo ás ‘cocodrilas’.
Para o partido, segundo informan desde o club coruñés o CRAT Residencia Rialta sairá co seguinte XV: Divi, Ali, Maica, Leyre, Pimi, Valle, Elsa, Judith, Alba, Ana, Ale, Ichi, Ceci, Inês e Mariana. Desde o banco arrincarán: Maria, Miriam, Maitane, Luchi, Ali, Claudia, Merchi e Leire G.
