O campo de Elviña acolleu este fin de semana a xornada nove da Liga Iberdrola de Rugby. O seu local, o CRAT venceu o C.R. Complutense Cisneros por 41 a 27. No que destacou a xogadora da cidade herculina, Alejandra Fernández. A encargada de transformar en catro ocasións os ensaios das súas compañeiras.
Vitoria que resulta imperiosa tras o tropezo pola mínima fronte o Corteva Cocos. Comezaron partido en igualdade. Durante un cuarto de hora o Cisneros permaneceu por diante no marcador. As madrileñas dominaban no xogo aberto. Contrarrestando así a gran vantaxe local nas fases estáticas.
O Cisneros arrebatou con dous ensaios o bonus ofensivo ó CRAT
Se o equilibro mantívose durante a metade da parte, a balanza decantouse polo lado coruñés. Nos seguintes minutos, o CRAT domiou con claridade. Aumentaron a diferenza no marcador ata o punto no que o partido xa estaba na súa man. A falta de tan só 20 minutos o marcador indicaba un contundente 36-12.
O Cisneros xa tiña claro que o encontro non iba a ser seu. Tamén eran conscientes de que na loita polo playoff cada punto é ouro. Anotaron dous ensaios que arrebataron as herculinas o bonus ofensivo. Deixando o reparto de puntos en 4 por 0.
Tras esta xornada, o conxunto de A Coruña sitúase na cuarta posición da competición con cinco vitorias, un empate e tres derrotas. A semana que ven non haberá Liga Iberdrola polo que teremos que esperar ata o 26 de xaneiro para volver a desfrutar do CRAT. Nesa cita viaxarán ata a capital para enfrontarse ao C.R. Majadahonda.
Encontro decisivo para as coruñesas xa que as madrileñas están a tan só dous puntos delas (29 fronte a 27 puntos).
FICHA TÉCNICA
CRAT Residencia Rialta: Victoria Meki, Claudia Arranz, Kate Mateu, Belen Martín, Maria Vega, Judith Hernández, Paula Medín, Mónica Castelo, Alejandra Fernández, Micaela Martínez, Turena Lorie, Elsa Porto, Mariana Romero, Jess Martín e Joana Murray.
Tamén xogaron: Paula Burillo, Aurora Redondo, Sara Gutierrez, Ana Iglesias, Maitane Buján e Yanka Almeida.
C.R. Complutense Cisneros: Casandra López, Melani Abad, Claudia Betancur, Paula Gil, Carlota Heredero, Iciar Pozo, Ana Vila, María Calvo, Elena Amo, Inés Bueso, Paula Requena, Alba Vinuesa, Inmaculada Bargues, Selene Jiménez e Enara Cacho.
Tamén xogaron: Lucía Malagón, Uribarri Barrutieta, Cristina Abad, Helena Saint-Bois, Idoia Ariceta, Sara Antunez e Letizia Monteleone.
MARCADOR:
Min 4; 3-0 Golpe de castigo transformado por Alejandra Fernández.
Min 6; 3-5 Ensaio de Enara Chacho.
Min 18; 10-5 Ensaio de Mariana Romero tranformado por Alejandra Fernández.
Min 23; 17-5 Ensaio de Kate Matau transformado por Alejandra Fernández.
Min 35; 22-12 Ensaio de María Calvo transformado por Enara Cacho.
Min 39; 22-12 Ensaio de Claudia Arranz.
Descanso
Min 43; 29-12 Ensaio de Victoria Meki transformado por Alejandra Fernández.
Min 52; 36-12 Ensaio de Victoria Meki transformado por Alejandra Fernández.
Min 63; 36-19 Ensaio de Paula Requena transformado por Enara Chacho.
Min 67; 36-24 Ensaio de Paula Requena.
Min 76; 41-24 Ensaio de Joana Murray.
