O CRAT Residencia Rialta venceu 19 a 7 ao Silicius Rugby Majadahonda. Con este triunfo, as galegas xa son semifinalistas da liga Iberdrola.
Con este resultado, tanto CRAT Residencia Rialta como Silicius Rugby Majadahonda esperan rival nas semifinais, que ademais xogarán como locais.
O partido arrincou con moita igualdade e un gran intercambio de patadas. Pronto, no minuto 10, Judit Hernández conseguiu o primeiro ensaio e Ana Iglesias a súa primeira conversión, para poñer 7 a 0 no marcador. Poucos minutos tardaron as xogadoras que adestra a dupla conformada polos técnicos Chorny e Artime en ampliar o marcador. Alborota conseguiu un gran ensaio e unha nova conversión de Ana supuxo o 14 a nada.
Como era esperable polo seu nivel, o Silicius Rugby Majadahonda repúxose do dobre mazazo. Claudia Pérez ensaiou para as visitantes e Zahia Pérez fixo o mesmo coa conversión. Antes do descanso, as locais volveron ampliar o marcador por medio dun ensaio de Inês Spínola. Con estas anotacións chegouse cun 19 a 7 ao descanso.
Tras o tempo de asueto, non se moveu o marcador. Por tanto, a vitoria quedou no feudo coruñés. Agora toca esperar que resultados deparan os cuartos de final da liga Iberdrola para coñecer o próximo rival do CRAT Residencia Rialta .
FICHA TÉCNICA
19) CRAT RESIDENCIA RIALTA: Divi, Ali, Maica, Leyre, Pimi, María, Elsa, Judith, Alba, Ana, Inês, Ichi, Ceci, Alborota e Mariana. Tamén xogaron: Hope, Miriam, Maitane, Ale e Claudia.
7) SILICIUS CLUB RUGBY MAJADAHONDA: Estelles Chaparro, Marta, Paula Hernández, Abril Martín de la Calle, Cristina Cueto García, Irene Garrido Peinado, Alicia Guio Pertiñez, Cayetana Álvarez Serrano, Vico Gorrochategui Juste, Marta Pro García, Zahia Pérez Wilhelm, María Kimberly Marcos, Luisa Pérez Pérez, Claudia Pérez Pérez, Luisina Contreras e Isabelle María Grise. Tamén xogaron: Lucía Díaz Martín, Macarena Teresa del Valle Gelineau, Denisse Gortazar Valverde, Lucía Calvo Corredera, Elena Tejeda Niveau de Villedary e Marta Ferrandiz.
EQUIPO ARBITRAL: David Joaquín Castro Muñiz, asistentes: David Valdes Gayo e Belarmino Álvarez Barril.
INCIDENCIAS: Partido da Liga Iberdrola de rugby disputado no Campo de Elviña na Universidade da Coruña correspondente á terceira xornada da segunda fase da competición. Na bancada houbo representación do Hockey Club Coruña e tamén estivo o deputado provincial de deportes da Deputación da Coruña, Antonio Leira, en ambos os dous casos acudiron a apoiar ás xogadoras do CRAT nun partido decisivo.
