O Atlético Arousana ocupa a penúltima posición da táboa do grupo 1A da Primeira Nacional, con sete puntos a falta de cinco xornadas para o final. As galegas seguen con opcións de permanecer na categoría. Para logralo, apostan por incorporar a tres novas futbolistas que reforcen o plantel neste tramo final.
Unha delas é Sara Gómez. A xove deportista, de só 15 anos, chega procedente do Arosa SC cadete para completar o mediocampo do Atlético Arousana.
Sara Gómez estaba xa na órbitra deste club, que aproveitou que a Liga autonómica non comezou para facer realidade a súa fichaxe.
A outra parte das novidades no equipo amarelo ven dunha parella de irmás. Laura e Iria Otero son dúas futbolistas que chegan ao club arousán procedentes do Orzán. A primeira ten 14 anos, pero debido á súa calidade ten permiso para competir a nivel nacional. Coa súa incorporación ao Atlético Arousana, Laura fará máis forte as posicións de interior e de dianteira. A súa irmá, Iria, ten un ano máis, 15, e acostuma a xogar na zona do medio campo.
“Con estas fichaxes intentamos facer un plantel máis amplo para loitar pola permanencia”, declaran desde o club das Rías Baixas. Cun balance dunha vitoria, catro empates e sete derrotas, o equipo amarelo está a catro puntos das sétimas clasificadas e a dez das sextas.
Atlético Arousana: “Con estas fichaxes intentamos facer un plantel máis amplo para loitar pola permanencia”
Para a seguinte xornada da competición regular, ás de azul e amarelo tócalles descanso. Unha semana máis para preparar o próximo partido, ante o filial do Dépor ABANCA na fin de semana do 28 de febreiro.
Respecto a estas novas incorporacións, a entidade arousana quere agradecer a colaboración e facilitades que deron tanto do Arousana como do Orzán á hora de materializar estas fichaxes.
