Como xa sucedeu noutras dúas ocasións esta tempada, o Club Baloncesto Arxil sorteará entradas entre as persoas socias do club para o próximo partido de Liga Feminina 2, o sábado, ás 19:30 horas ante o Maristas Coruña.
O aforo do CGTD de Pontevedra, onde se disputará o partido, será de 60 persoas e as interesadas en acudir deberán solicitalo cun mail a cbarxil@hotmail.com ou unha mensaxe de Whatsapp ao número 627 15 38 49.
O prazo limite será ata este venres, 8 de xaneiro, ás 16:00 horas e só poderán asistir ao partido as persoas residentes en Pontevedra debido ao peche perimetral decretado por Sanidade.
En todo caso, todas aquelas persoas que desexen seguir o encontro ao vivo pero sen poder acudir ao pavillón, poderán facelo a través da transmisión que se levará a cabo en Canal FEB.
O Arxil recibe ao Maristas na fin de semana dos duelos galegos
