O Arenal Emevé inicia a segunda volta da Superliga 2 invito. Por segunda vez na tempada, impúxose no duelo de rivalidade galega contra o Autos Cancela Zalaeta por 1-3. A cita foi no polideportivo do Barrio das Flores da Coruña, no que o conxunto local so puido gañar un set.
Os poucos minutos, o Emevé adiantouse cun 0-4. Pero as locais non se quedaron moi lonxe. Lograron empatar a oito e manter a diferencia para poñer o 1-0.
O segundo set non tivo moitas alteracións. Volveros a estar igualados no marcador aos mesmos puntos. As de José Valle comezaron a carreira para chegar airosas a meta. Definiron mellor as xogadoras e puxeron o 1-1.
As lucenses xa tiñan o camiño definido. Agora ben, as de Jorge Barreiro estiveron pisándolle os talóns. Ata que no último tempo o Emevé superounas en ataque con 17 puntos ante 7. Isto permitiulles acadar os tres puntos en xogo e continuar a cabeza da táboa.
Duelo fratricida na cancha da man das irmás Rivas
O dato curioso estivo xusto antes do partido. Dúas irmáns enfrontábanse no polideportivo do Barrio das Flores. Andrea e Inés Rivas. Comezaron xuntas a súa andaina deportiva no cadro coruñés, pero os estudos interpuxéronse no medio. Inés marchou a Lugo para estudiar e fichou polo Arenal Emevé. Así que nesta temparada, vense as caras como rivais na cancha protagonizando un singular duelo fratricida cando o calendario fai a lucenses e herculinas verse as caras na cancha.
Seguinte cita ligueira
Haberá que esperar ata o terceiro fin de semana de xaneiro para volver a disfrutar da Superliga 2. O Autos Cancela Zalaeta viaxará ata a Covadonga. Xogará contra o RGC Covadonga. Mentras que o Arenal Emevé volve a súa pista. Recibirá o Cvleganes.com.
FICHA TÉCNICA
AUTOS CANCELA ZALAETA: Patri Santos, Cristina G. Bermejo, Claudia Gómez, Emma Ordoñez, Paula Lema, Andrea Rivas, Laura Méndez, Carla Figueroa, Alba Quirós, Noa Sánchez, Carlota Vilariño e Sandra Sosa. Adestrador: Jorge Barreiro.
ARENAL EMEVÉ: Julia Paradela, Paula Lorenzo, Irene Yánez, Laura Villasante, Inmaculada Lavado, María Rodríguez, Sara Urrea, Paura Reija, Aitana Fernández, Tea Andric, Lucía Prol, Inés Rivas, Ainara Burgo e Lidia Figueira. Adestrador: José Valle.
CAMPO: Polideportivo do Barrios das Flores (A Coruña)
SETS: 1 – 3 (25-22/20-25/21-25/19-25/0-0)
