O Durán Maquinaria Ensino perde a súa última incorporación. A xogadora serbia Nina Bogicevic deixa o equipo dirixido por Carlos Cantero 52 días despois do anuncio da súa fichaxe.
Segundo informa o equipo lucense, a escolta tivo unha oferta doutra liga onde poderá disputar máis minutos, razón que motivouna a tomar a decisión de rescindir o seu actual contrato co Ensino.
O Ensino reforza o seu plantel coa incorporación de Nina Bogicevic
“Quero dar as gracias ao club por todo e polo trato que tivo en todo momento. Sodes un club profesional e a verdade só teño boas palabras sobre a vosa organización e sobre o trato recibido. Espero que teñades sorte no que resta de tempada e que entredes no play off. Un saúdo e moita sorte”, declarou a escolta ao equipo que foi a súa casa durante o últimos dous meses.
Nina Bogicevic ao Ensino: “Espero que teñades sorte no que resta de tempada e que entredes no play off”
O Ensino tamén tivo palabras de agradecemento para a agora ex xogadora e deséxanlle “a mellor das sortes no seu próximo destino”.
❗️Comunicado oficial
Nina Bogicevic nos dice adiós 👇🏻#SomosEnsino https://t.co/wva8pLwzw1 pic.twitter.com/9PmvZ72e9q
— Ensino Lugo (@EnsinoLugoCB) January 11, 2021
