O Club Balonmán Porriño continúa anunciando as súas fichaxes e neste caso, na primeira liña. O primeiro equipo verase reforzado cun reforzo de luxo e é que a internacional lusa, Monica Soares, formará parte do plantel de Ismael Martínez para a tempada 2020/2021.
Monica Soares de 25 anos vén de xogar no Füchese Berlin, equipo da Bundesliga alemá. A pesar da súa xuventude ten unha gran experiencia e é que, leva sendo internacional absoluta coa selección portuguesa desde os 19 anos.
Despois desta decisión confesou porque a tomou “despois da primeira experiencia no estranxeiro, pensei que a competición española podería ser máis interesante para o meu tipo de xogo. Ademais, a proximidade a Portugal, tamén facilita a integración non só polo idioma senón tamén que haxa xogadoras que xa coñezo”.
Tamén contou as súas expectativas para a próxima tempada “alcanzar os obxectivos propostos polo equipo técnico e o club. Unha nova competición e un novo equipo, creo que temos todo para sexa unha tempada marabillosa” e os obxectivos que se marcou “axudar e contribuír ao máximo para que o equipo poida ter os mellores resultados posibles. Individualmente, conseguir integrarme no equipo o máis rápido posible, o que facilitará o estilo de xogo e espero conseguir devolver a confianza que mostraron en min ao contratarme”.
Monica Soares, xogadora do Conservas Orbe: “Despois da primeira experiencia no estranxeiro, pensei que a competición española podería ser máis interesante para o meu tipo de xogo”.
Ismael Martínez, adestrador do primeiro equipo, contounos o que supón esta fichaxe “levabamos bastante tempo detrás dela, porque é unha xogadora, que véndoa nalgúns torneos que xogamos en contra e coa selección, gustábanos moito. É unha sorte poder fichala e estamos a esperar empezar a traballar con ela canto antes. Estamos moi contentos.”
O míster faloun tamén do que achegará ao equipo “é unha xogadora con moito gol e cunha gran capacidade de liderado, cremos que nos ofrecerá un pouco o que nos fai falta. Ademais, atrás tampouco é mala defensora e poderá achegar ben nun dous”.
Ismael Martínez, adestrador do Conservas Orbe: “Levabamos bastante tempo detrás dela, porque é unha xogadora, que véndoa nalgúns torneos que xogamos en contra e coa selección, gustábanos moito”.
O técnico tamén desvelou o rol que lle gustaría que desempeñase na próxima tempada “gustaríanos outorgarlle o rol de xogadora importante, sobre todo ofensivamente. É unha xogadora con experiencia e esperamos que asuma responsabilidades nos minutos quentes dos partidos, porque esta capacitada para iso e ten moitísimo nivel.”
O presidente do club tamén se pronunciou “é unha xogadora que ten moita capacidade a nivel ofensivo, hai dous anos foi a máxima goleadora da liga portuguesa. De fronte ao ano que vén esperamos que se converta nun dos nosos referentes a nivel ofensivo, é unha xogadora con moito gol e moita proxección.” Ademais, contounos que Monica ía formar parte do persoal nestes últimos meses “alcanzaramos un acordo con ela para que xogase connosco os últimos dous meses de competición.”
Abel Estévez, presidente do Conservas Orbe: ““é unha xogadora que ten moita capacidade a nivel ofensivo, hai dous anos foi a máxima goleadora da liga portuguesa”.
