O timón do Celta Zorka Recalvi terá unha nova cara. Mariona Martín (Barcelona, 1996) será xogadora celeste para a tempada 20/21. Base de 1´72, destaca pola súa boa comprensión do xogo e o seu dinamismo xunto cunha notable experiencia en competicións FEB.
Mariona Martín, non xogou a tempada pasada debido a unha lesión
Formada na prolífica canteira de CB Femení Sant Adriá, Mariona deu o salto ao baloncesto senior nas filas da Al-Qazeres onde militou dúas tempadas, conseguindo trala primeira o ascenso a Liga Feminina 1. Posteriormente vestiu a camiseta de Aros León na tempada 18/19, con quen disputou a fase de ascenso de Tenerife. Durante a última campaña permaneceu inactiva, recuperándose dunha lesión de longa duración.
A fichaxe de Mariona Martín únese á de Marita Davydova e as renovacións de Sara Vidal, Noa Comesaña e da adestradora Cristina Cantero.
Que ganas de empezar ! 💙 https://t.co/EYsdRdqfxc
— Mariona Martín (@mariona_martin) June 17, 2020
