Cristina Cantero seguirá ligada ao club galego. A adestradora, tras esta renovación, vai camiño da súa tempada 19 como céltica e a sexta ao fronte do equipo.
Confirmada a finalización da tempada nas circunstancias que o COVID-19 provocou, anúnciase a continuidade de Cristina Cantero dirixindo ao primeiro equipo de Celta Zorka Recalvi para a tempada 2020/2021. O club e a adestradora cordobesa acordaron renovar o seu compromiso para manterse unha campaña máis á fronte do persoal de Liga Feminina 2.
https://twitter.com/Celtabaloncesto/status/1261206081440747520
Será a sexta tempada de Cantero no banco céltico tras o seu debut no verán de 2015 e despois dunha etapa anterior ligada ás categorías de formación no club. Comeza, por tanto, a planificación deportiva dunha nova tempada.
