A pesar das dificultades evidentes que está a presentar a planificación dunha tempada que aínda non se coñece como se vai a desenvolver, a secretaría técnica do CRAT de rugby non permanece parada e traballa elaborando un plantel competitivo para o próximo curso.
A primeira fichaxe anunciada é Maica Martí, xogadora de 20 anos procedente do recentemente descendido Club de Rugby O Salvador. Maica vén reforzar a primeira liña coruñesa, pero é polivalente dentro dos postos de dianteira, axustándose sen problemas a outras posicións como a segunda liña ou o 8.
A gran tempada realizada o pasado ano no seu ano de debut en División de Honra xa lle foi suficiente como para estar na órbita da Selección Española de Rugby, coa que xa participou en varias concentracións e partidos, converténdoa nunha das xogadoras novas con maior proxección do país.
O CRAT mostrouse moi ilusionado coa fichaxe desta promesa do rugby nacional, sobre todo porque a previsión non é cortoplacista e espérase que a xogadora poida desenvolver o seu rugby as próximas tempadas tamén na nosa cidade.
